25:399  399  REDITUS  AD  HISTORIAM.  400  vulgus  ipsum  effugeret?  Quod  postea  sequitur:  Sepelivit  eum,  quidam  passive  reddunt,  Sepultus  est:  alii  vero  transitive,  Sepelivit  se  ipsum.  Perperam  utrique:  quia  dum  verentur  tribuere  Deo  has  partes,  excogitarunt  quomodo  absurditatem  vitarent,  quae  nulla  est:  quin  potius  ex  fine  versus  colligere  licet,  Mosen  divinitus  sepultum  fuisse,  quia  dicitur  sepulcrum  eius  fuisse  incognitum.  Verisimile  est  studium  inquirendi  non  fuisse  omissum  vel  neglectum  a  populo:  quia  immane  fuisset  postremo  humanitatis  officio  non  defungi  erga  talem  tantumque  virum.  Quod  autem  nusquam  repertum  fuit  iudicium  sepulturae,  corpus  quoque  ipsum  nusquam  visum  fuit,  inde  colligi  potuit,  certo  Dei  consilio  fuisse  absconditum.  Porro  disputare  supervacuum  est  quomodo  Mosen  sepelierit  Deus,  ad  cuius  obsequium  praesto  sunt  omnia  elementa.  Satis  igitur  fuit  terrae  annuere,  ut  corpus  sancti  viri  in  gremium  reciperet.  Neque  enim  opus  fuit  accersere  angelos  in  subsidium,  (ut  quidam  volunt)  quum  terra  creatoris  sui  imperio  statim  paruerit.  Iam  ex  Iudae  epistola,  cognoscimus  rem  non  fuisse  levis  momenti,  ut  sepulcrum  Mosis  fugeret  hominum  oculos:  quia  docet  inde  exortum  fuisse  certamen  inter  Michaelem  angelum  et  Satanam.  Etsi  autem  non  exprimitur  occultandi  ratio,  consilium  tamen  Dei  fuisse  videtur  occurrere  superstitioni:  solenne  enim  Iudaeis  fuit,  quod  et  illis  Christus  exprobrat,  occidere  prophetas,  deinde  venerari  eorum  sepulcra.  Proclive  ergo  illis  fuisset,  ad  delendam  ingratitudinis  memoriam,  erigere  sancto  prophetae  perversum  cultum,  adeoque  eius  cadaver  in  terram  portare,  a  qua  exclusus  fuerat  Dei  iudicio.  Mature  igitur  prospectum  fuit,  ne  inconsiderato  zeli  impetu  evertere  tentaret  populus  coeleste  decretum.  EX  EODEM  CAPITE.  7.  Moses  autem  natus  erat  centum  et  viginti  annos  quando  mortuus  est:  non  caligavit  oculus  eius,  neque  aufugit  viror  eius.  8.  Et  fleverunt  filii  Israel  Mosen  in  campestribus  Moab  triginta  diebus,  completique  sunt  dies  fletus  luctus  Mosis.  9.  Iosua  autem  filius  Nun  repletus  est  spiritu  sapientiae,  quoniam  posuerat  Moses  manus  suas  super  eum:  parueruntque  ei  filii  Israel,  ac  fecerunt  quemadmodum  praeceperat  Iehova  Mosi.  10.  Neque  surrexit  propheta  ultra  in  Israele  sicut  Moses,  quem  nosset  Iehova  facie  ad  faciem,  ll.  In  omnibus  signis  ei  portentis  ad  quae  facienda  in  terra  Aegypti  Pharaoni  et  servis  eius,  et  universae  terrae  eius,  miserat  eum  Iehova��  12.  Et  in  omni  manu  forti,  et  in  omni  terrore  magno,  quae  fecit  Moses  in  oculis  totius  Israelis.