9:398  Missus  autem  non  fuit  pater,  ne  pater  subditus  alteri  Deo,  dum  mittitur,  probaretur.  Fol  241,  lit.  A.  Quomodo  enim  ego  et  pater  unum  sumus,  si  non  Deus  est  et  filius  ?  Qui  idcirco  unum  potest  dici  dum  ex  ipso  est,  et  dum  filius  eius  est,  et  dum  ex  ipso  nascitur,  dum  ex  ipso  processisse  reperitur,  per  quem  et  Deus  est  Ibidem,  litera  B.  Deus  est  ergo.  Deus  autem  sic,  ut  filius  sit,  non  pater.  [pag.  65]  Fol  242,  lit  C.  Imago  est  enim  invisibilis  Dei,  ut  mediocritas  et  fragilitas  conditionis  humanae  Deum  patrem  videre  aliquando  iam  tunc  assuesceret  in  imagine  Dei.  Gradatim  enim  et  per  incrementa  humana  fragilitas  nutriri  debuit  per  imaginem  ad  istam  gloriam,  ut  Deum  patrem  videre  posset  aliquando.  Pericula  enim  sunt  quae  magna  sunt,  si  repentina  sunt  Ibidem,  Ut  E.  Quomodo  ergo  Deus  erit,  si  angelus  fuerit,  quum  non  sit  hoc  nomen  angelis  unquam  concessum,  nisi  quoniam  ex  utroque  latere  nos  veritas  in  istam  concludit  sententiam,  quia  debeamus  intelligere  Dei  filium  fuisse,  qui,  quoniam  ex  Deo,  est  merito  Deus,  quia  Deus  filius  dictus  sit:  quoniam  annunciator  paternae  voluntatis  est,  magni  consilii  angelus  pronunciatus  est  Fol  243,  lit  A.  Hic  autem  qui  ista  promittit,  Deus  atque  angelus  esse  perhibetur,  ut  merito  distinctio  sit  inter  eum,  qui  non  Deus  simpliciter,  sed  et  angelus  pronunciatur.  Fol  245,  Ut  E.  Est  ergo  Deus  pater  omnium  institutor  et  creator,  solus  originem  nesciens,  invisibilis,  immensus,  immortalis,  aeternus,  unus  Deus:  cuius  neque  magnitudini,  neque  maiestati,  neque  virtuti  quidquam,  [pag.  66]  non  dixerim  praeferri,  sed  nec  comparari  potest  Ibidem,  lit  G.  Deus  utique  procedens  ex  Deo,  secundam  personam  efficiens,  sed  non  eripiens  illud  patri,  quod  unus  est  Deus.  Ibidem,  lit  I.  Nam  quum  id  sit  principium  caeteris,  quod  ingenitum,  Deus  solus  pater  est,  qui  extra  originem  est,  ex  quo  hic  est  qui  genitus  est  Ibidem,  lit  K.  Deus  quidem  ostenditur  filius,  cui  divinitas  tradita  et  porrecta  conspicitur.  Et  tamen  nihilominus  unus  Deus  pater  probatur.