8:398  mais  que  nous  sommes  conformez  a  son  image,  comme  sainct  Paul  en  parle  au  huitieme  chapitre  des  Romains:  que  Dieu  a  ordonne  tous  ceulx  qu'il  a  adoptez  pour  ses  enfans,  pour  estre  faicts  conformes  a  celuy  qui  est  le  patron  et  le  chef  de  tous  (Rom.  8,  29).  Sommes-nous  si  delicas  de  ne  vouloir  rien  endurer?  Il  nous  fault  renoncer  a  la  grace  de  Dieu,  par  laquelle  il  nous  a  appellez  a  l'esperance  de  salut.  Car  ce  sont  deux  choses  qui  ne  se  peuvent  separer,  d'estre  membre  de  Iesus  Christ,  et  d'estre  exerce  en  beaucoup  d'afflictions.  Certes,  nous  debvrions  bien  plus  priser  une  telle  conformite  avecques  le  Fils  de  Dieu,  que  nous  ne  faisons  pas.  Vray  est  que  selon  le  monde  c'est  vitupere  de  souffrir  pour  l'Evangile:  mais  puis  que  nous  scavons  que  les  infideles  sont  aveugles,  ne  debvons  nous  point  avoir  de  meilleurs  yeulx  qu'eulx?  C'est  ignominie  d'estre  afflige  par  ceulx  qui  occupent  le  siege  de  iustice.  Mais  sainct  Paul  nous  monstre  par  son  exemple  que  nous  avons  a  nous  glorifier  aux  fletrisseures  de  Iesus  Christ,  comme  aux  marques  esquelles  Dieu  nous  recognoist  et  advoue  pour  siens.  Et  nous  scavons  ce  que  recite  sainct  Luc  (Act.  5,  41)  de  Pierre  et  de  Iehan,  ascavoir,  qu'ils  se  sont  resiouis  de  ce  qu'ils  avoyent  este  reputez  dignes  de  souffrir  infamie  et  opprobre  pour  le  nom  du  Seigneur  Iesus.  Voyla  deux  choses  contraires,  ignominie  et  dignite,  voire  d'autant  que  le  monde,  estant  insense,  iuge  contre  toute  raison,  et  par  ce  moyen  convertit  la  gloire  de  Dieu  a  deshonneur.  Or,  de  nostre  part,  ne  refusons  point  d'estre  vilipendez  quant  au  monde,  pour  .estre  honorez  devant  Dieu  et  ses  Anges.  Nous  voyons  quelle  peine  les  ambitieux  prennent  a  obtenir  l'ordre  d'un  Roy,  et  quels  triomphes  ils  en  font.  Le  Fils  de  Dieu  nous  presente  son  ordre,  et  chascun  [f.  27]  recule.  Ie  vous  prie,  en  ce  faisant,  sommes-nous  dignes  d'avoir  rien  de  commun  avecques  luy?  Nostre  sensualite  ne  peut  yci  mordre;  mais  tant  y  a  que  ce  sont  les  vrayes  armoiries  de  la  noblesse  des  cieulx.  Prisons,  bannissemens,  mauldissons,  n'emportent,  a  la  fantasie  des  hommes,  que  tout  vitupere.  Mais  qui  nous  empesche  k  regarder  ce  que  Dieu  en  iuge  et  prononce,  sinon  nostre  infidelite?  Parquoy,  que  le  nom  du  Fils  de  Dieu  ait  telle  importance  envers  nous  comme  il  merite,  a  fin  que  nous  apprenions  de  prendre  a  honneur  qu'il  nous  imprime  ses  marques,  autrement  nostre  ingratitude  est  insupportable.  Si  Dieu  nous  pourchasse  selon  nos  demerites,  n'ha-il  pas  iuste  raison  de  nous  chastier  iournellement  en  mille  sortes?  Qui  plus  est,  cent  mille  morts  ne  suffiroyent  point  a  une  petite  portion  de  nos  mesfaicts.  Or  par  sa  bonte  infinie,  il  met  soubs  le  pied  toutes  nos  faultes  et  les  abolit,  et  au  lieu  de  nous  punir  selon  que  nous  l'avons  deservi,  il  trouve  un  moyen  admirable  pour  faire  que  les