56:398  sein.16)  14.  Ie  me  suis  porte  envers  luy,17)  comme  si  c'eust  este  mon  ami  et  mon  frere,  ie  me  suis  humilie  comme  celuy  qui  mene  deuil  pour  sa  mere.  15.  Mais  eux  en  mon  clochement  se  sont  esiouis,  ils  se  sont  assemblez:  contre  moy,  di-ie,  se  sont  assemblez  des  malotrus,18)  lesquels  ie  cognoissoye:19)  ils  ont  dedique  de  leurs  levres,  et  ne  se  sont  pas  teus.20)  16.  Entre  les  traistres  gaudisseurs  de  gasteau,  ils  grincent  de  leurs  dents  contre  moy.  17.  Seigneur  iusques  a  quand  le  verras-tu?21)  delivre  mon  ame  de  leurs  efforts  bruyans,22)  et  des  lions  mon  unique.23)  18.  Ie  te  celebreray24)  en  grande  assemblee,  ie  te  loueray  devant  un  grand25)  peuple.  19.  Que  ceux  qui  me  sont  ennemis  a  tort,  ne  s'esiouissent  point  de  moy  :  et  ceux  qui  me  hayssent  sans  cause,  ne  guignent26)  de  l'oeil.  20.  Car  ils  ne  parlent  point  paix,27)  ains  controuvent28)  parolles  de  fraude  sur  les  sentes29)  de  la  terre.  21.  Ils  ont  ouvert  leur  bouche  contre  moy:  ils  ont  dit,  Aha,  Aha,  nostre  oeil  Ta  veu.  22.  Tu  Tas  veu  aussi  o  Eternel,  ne  te  tay  point:80)  Seigneur  ne  t'eslongne  de  moy.  23.  Esveille  toy,  et  te  resveille31)  pour  mon  iugement,  mon  Dieu,  et  pour  ma  cause,  mon  Seigneur.  24.  Iuge-moy  selon  ta  iustice,  Seigneur  mon  Dieu,  et  qu'ils  ne  s'esiouissent  point  de  moy.  25.  Qu'ils  ne  dient  en  leur  coeur,  Aha  nostre  ame:32)  qu'ils  ne  dient,  Nous  l'avons  englouti.  26.  Que  ceux  qui  s'esiouissent  de  mon  mal,  soyent  confus  et  infames  ensemble:  que  ceux  qui  se  magnifient  sur  moy,  soyent  vestus  de  honte  et  vergongne.  27.  Mais  que  ceux  qui  aiment33)  ma  iustice  soyent  en  ioye  et  en  liesse:  et  qu'ils  disent  incessamment,  Le  Seigneur  soit  magnifie,  lequel  aime  la  paix  de  son  serf.  28.  Lors  ma  langue  annoncera34)  ta  iustice,  et  ta  louange  iournellement.  16)  et  estoye  du  tout  addonne  a  oraison  O.  et  prioyo  comme  pour  moy  46.  suiv.  17)  i'ay  chemine  avec  eulx  O.  46.  18)  mesme  les  boiteux  O.  46.  19)  et  ne  m'en  appercevoye  point  O.  46.  et  n'en  scavoye  rien  54.  s.  20)  ils  m'ont  deschire  O.  54.  59.  ils  ont  ouvert  la  bouche  46.  et  ne  se  sont  point  tenuz  quoy  O.  et  n'ont  point  cesse.  54.  suiv.  21)  quand  regarderas-tu  ?  O.  46.  22)  des  miseres  qu'ils  me  font  O.  des  maux  etc.  46.  de  leurs  calamitez  54.  s.  23)  ma  seule  vie  O.  ma  vie  esseullee  46.  suiv.  24)  collauderay  O.  46.  25)  puissant  O.  46.  26)  guinchent  l'oeil  O.  46.  27)  ils  ne  tiennent  propos  d'amis  54.  suiv.  28)  ils  pensent  O.  46.  29)  paisibles  O.  suiv.  30)  ne  dissimule  pt.  54.  suiv.  31)  te  lieve  O.  46.  32)  c'est  ce  que  nous  desirions  46.  suiv.  33)  auxquelz  plaict  O.  34)  ruminera  O.  resonnera  46.  suiv.