47:398  fuerit  Petri  stupor,  qui  secure  cum  turba  impiorum  hominum  se  calefecit,  quum  magistrum  negasset.  Quanquam  fieri  potest  ut  metu  retentus  fuerit,  ne  egrediens  e  domo  pontificis  in  alterum  simile  discrimen  veniret.  19.  Pontifex  ergo  interrogavit  Iesum  de  discipulis  suis  et  doctrina  ipsius.  20.  Respondit  Uli  Iesus:  Ego  palam  loquutus  sum  mundo:  ego  semper  docui  in  synagoga  et  in  templo,  quo  omnes  Iudaei  conveniunt,  et  in  occulto  loquutus  sum  nihil.  21.  Quid  me  interrogas?  interroga  eos,  qui  audierunt,  quid  loquutus  sim  illis:  ecce  hi  sciunt  quae  ego  dixerim.  22.  Haec  quum  ipse  dixisset,  unus  ex  ministris,  qui  adstabat,  dedit  ei  alapam,  dicens:  Sic  respondes  pontifici?  23.  Respondit  ei  Iesus:  Si  male  loquutus  sum,  testificare  de  malo:  si  autem  bene,  quid  me  caedis?  24.  Miserat  autem  eum  Annas  ligatum  ad  Gaipham  pontificem.  19.  Interrogavit  Iesum.  Interrogat  pontifex  Christum  perinde  ac  factiosum  aliquem,  qui  discipulos  sibi  cogendo  ecclesiam  scidisset.  Interrogat  quasi  pseudoprophetam,  qui  novis  et  perversis  dogmatibus  conatus  esset  fidei  puritatem  corrumpere.  Christus,  perfunctus  doctoris  munere,  novam  defensionem  non  aggreditur:  ne  tamen  veritatis  patrocinium  deserat,  ostendit  se  paratum  esse  ad  tuenda  omnia  quae  docuerat.  Interea  simul  coarguit  pontificis  impudentiam,  qui  de  re  notissima  tanquam  dubia  inquirat.  Non  satis  est,  quod  redemptorem  sibi  oblatum  respuerunt  una  cum  promissa  sibi  salute,  nisi  totam  legis  expositionem  simul  damnent.  20.  Ego  palam  loquutus  sum.  Puerilis  est  quorundam  error,  qui  hoc  Christi  responso  damnari  existimant,  qui  clam  et  in  cubiculis  tractant  verbum  Dei,  quum  publice  per  impiorum  tyrannidem  non  licet.  Neque  enim  disputat  Christus,  quid  liceat  nec  ne,  sed  illi  propositum  est  refutare  Caiphae  impudentem  malitiam.  Videtur  tamen  hic  locus  pugnare  cum  altera  Christi  sententia  (Matth.  10,  27),  ubi  apostolos  iubet  publicare  super  tecta,  quae  illis  in  aurem  dixerat:  item  quum  pronuntiat,  non  omnibus  datum  esse  ut  audiant  arcana  regni  Dei,  ac  ideo  se  dignari  hac  gratia  solos  duodecim  (ibid.  13,  l  l  )  .  Respondeo,  quum  hoc  loco  negat  se  quidquam  loquutum  esse  in  occulto,  id  referri  ad  ipsam  substantiam,  quae  semper  eadem  fuit,  quamvis  diversa  esset  docendi  forma.  Neque  enim  aliter  loquutus  est  inter  discipulos,  ut  aliud  traderet  :  neque  id  fecit  astute,  quasi  data  opera  celare  vellet  populum,  quae  inter  parietes  paucis  dicebat.  Quare  bona  conscientia  testari  potuit,  se  libere  professum  esse  et  sincere  publicasse  doctrinae  suae  summam.  22.  Haec  quum  ipse  dixisset.  Hoc  ideo  additum  est,  primum  ut  sciamus,  quanta  fuerit  hostium