25:398  peor:  neque  cognovit  quisquam  sepulcrum  eius  usque  ad  diem  hunc.  1.  Ascendit  ergo.  Quisnam  hoc  caput  scripserit  incertum  est:  nisi  quod  veteres  probabili  coniectura  putarunt  Iosue  esse  autorem.  Terum  quia  has  partes  obire  potuit  Eleazar  sacerdos,  praestabit  rem  non  adeo  magni  momenti  in  medio  relinquere.  Diximus  autem  alibi  partem  montis  Abarim  vocari  Nebo,  sicut  aliam  Pisgah,  quia  distincti  erant  vertices.  Iam  ascensus  Mosis  tantundem  valet  ac  voluntaria  ad  mortem  profectio.  Neque  enim  eum  latebat  eventus:  sed  quia  divinitus  ad  moriendum  vocatur,  sponte  occurrit.  Tam  voluntarium  obsequium,  non  aliunde  manavit  quam  ex  fide  gratiae  Dei,  qua  sola  mitescit  ac  sedatur  omnis  terror,  et  amaritudo  mortis  dulcescit.  Mosi  certe,  ut  aliis  omnibus,  formidabile  naturaliter  fuisset  mori:  sed  quia  intercedit  gratiae  Dei  testimonium,  se  intrepide  offerre  noa  dubitat:  et  quia  certo  persuasus  erat,  haereditatem  populi  oculis  suis  illic  fore  expositam,  alacriter  ad  speculam  conscendit.  Fide  quidem  iam  intuitus  erat  terram,  et  promissio  Dei  quasi  viva  repraesentatio  erat:  quia  tamen  sanctissimos  etiam  quosque  residuae  quaedam  infirmitates  in  carne  circumdant,  non  vulgare  solatium  fuit  ocularis  conspectus,  quo  mitigata  fuit  poenae  acerbitas,  quum  iusto  Dei  iudicio  ab  ingressu  se  arceri  cognosceret.  Quod  ostendisse  Deus  totam  terram  dicitur,  absque  miraculo  fieri  non  potuit.  Nam  etsi  quosdam  incredibili  perspicacia  fuisse  praeditos  narrant  historiae,  ut  oculorum  acie  longitudinem  terrae  Chanaan  superarent:  peculiaris  hic  tamen  notanda  est  ratio,  quod  distincte  Moses  unamquamque  regionem  cognoverit,  tanquam  in  rem  praesentem  adductus.  Etsi  enim  fateor  in  terra  Nephthali  et  Ephraim  et  Manasse  esse  prolepsin:  voluit  tamen  exprimere  spiritus  sanctus  perinde  monstratas  fuisse  singulas  partes  Mosi,  ac  si  propinquae  essent  et  sub  pedibus:  alioquin  frigidus  et  inutilis  fuisset  conspectus,  nisi  lustrare  futuram  populi  habitationem  datum  esset.  Atque  huc  similiter  pertinet  quod  postea  subiicitur,  terram  esse  de  qua  iuravit  Deus  servis  suis:  quia  alioqui  non  aliter  satisfieri  poterat  Mosis  desiderio,  nisi  perspiceret  in  quam  amoena,  fertili,  et  opulenta  regione  habitaturi  essent  filii  Abrahae.  5.  Mortuus  est  Moses.  Quia  ignominiae  nota  fuit  mori  extra  fines  terrae  sanctae,  honorifico  elogio  insignitur  Moses,  quo  magis  expavescere  discant  Israelitae  ad  Dei  iudicium,  qui  ne  praecipuo  quidem  servo  suo  pepercit.  Et  diserte  additur:  Secundum  sermonem,  vel  os  Dei,  ne  minas  spernant,  quarum  tam  memorabilis  effectus  apparuit.  Nam  si  Deus  tam  eximio  prophetae  suo  non  pepercit  quin  tandem  exsequeretur  quod  minatus  fuerat,  quomodo