8:397  397  II.  DE  SOUFFRIR  PERSECUTION.  398  plus  haulte.  Et  quelle  fin  trouverons-ncms,  sinon  d'honorer  Dieu  et  nous  laisser  gouverner  a  luy,  comme  enfans  a,  un  bon  pere,  a  fin  qu'apres  avoir  acheve  le  voyage  de  ceste  vie  corruptible,  nous  soyons  receus  en  son  heritage  eternel?  Voyci  le  principal  et  mesme  le  tout.  Quand  nous  n'en  tenons  compte  et  que  nous  sommes  acharnez  a  une  vie  brutale,  laquelle  est  pire  que  mille  morts,  que  povons-nous  alleguer  pour  nos  excuses?  De  vivre  et  ne  scavoir  pourquoy,  c'est  desia  contre  nature.  De  reiecter  les  causes  pour  lesquelles  nous  vivons,  soubs  ombre  d'un  fol  appetit  d'avoir  quelque  respit  de  trois  iours,  a  fin  d'habiter  au  monde  en  estant  separez  de  Dieu,  ie  ne  scay  comment  on  doibt  nommer  une  telle  forcenerie  et  rage.  Mais  pource  que  les  persecutions  ne  laissent  point  de  nous  estre  dures  et  ameres,  regardons  comment  c'est  et  par  quels  moyens  que  les  Chrestiens  se  peuvent  fortifier  a  patience,  iusques  a  exposer  constamment  leur  vie  pour  la  verite  de  Dieu.  Le  texte  que  nous  avons  recite,  quand  il  sera  bien  entendu,  est  assez  suffisant  pour  nous  induire  a  cela.  ,,Sortons  hors  de  la  ville",  dit  l'Apostre  (Hebr.  13,  13),  .apres  le  Seigneur  Iesus,  portant  son  opprobre."  En  premier  lieu,  il  nous  exhorte,  encores  que  les  espees  ne  fusfent  pas  desgainees  sur  nous,  ne  les  feux  allumez  pour  nous  brusler,  que  nous  ne  povons  estre  vrayement  conioincts  au  Fils  de  Dieu  cependant  que  nous  sommes  enracinez  en  ce  monde.  Parquoy  il  fault  qu'un  Chrestien,  estant  mesme  en  repos,  ait  tousiours  un  pied  leve  pour  marcher  au  combat.  Et  non  seulement  cela,  mais  qu'il  ait  son  affection  retiree  du  monde,  combien  que  le  corps  y  habite.  Ia  soit  que  cela  nous  semble  rude  de  prime  face,  si  nous  debvrions-nous  bien  contenter  de  ce  mot  de  sainct  Paul  (1  Thess.  3,  3),  c'est  que  nous  sommes  appelez  et  establis  a  souffrir:  comme  s'il  disoit  que  la  condition  de  nostre  Chrestiente  est  telle,  en  sorte  qu'il  nous  fault  passer  par  ce  chemin,  si  nous  voulons  suyvre  Iesus  Christ.  Cependant,  pour  soulager  notre  infirmite  et  addoulcir  la  fascherie  et  tristesse  que  nous  pourroyent  apporter  les  persecutions,  voyci  une  bonne  recompense,  c'est  qu'en  souffrant  pour  l'Evangile,  [f.  26]  nous  suyvons  comme  pas  a  pas  le  Fils  de  Dieu,  et  l'avons  pour  nostre  guide.  S'il  nous  estoit  simplement  dict  que  pour  estre  Chrestiens  nous  avons  a  marcher  parmi  tous  les  opprobres  du  monde,  pour  venir  franchement  a  la  mort  toutes  fois  et  quantes  qu'il  plaira  a  Dieu,  nous  aurions,  ce  semble,  quelque  couleur  de  repliquer  que  c'est  chose  fort  estrange  d'aller  a,  Tesgaree.  Mais  quand  il  nous  est  commande  de  suyvre  le  Seigneur  Iesus,  sa  conduicte  est  trop  bonne  et  honorable  pour  en  faire  refus.  Or,  a  fin  que  nous  soyons  mieulx  touchez,  non  seulement  il  est  dict  que  Iesus  Christ  marche  devant  nous  comme  nostre  capitaine,