7:397  397  CUM  ANTIDOTO.  398  dignitate,  ita  et  stultitia  longe  superat.  Si  quid  alias  grave  esset  aut  serium  in  actionibus  synodi,  huic  diceres  attributas  esse  morionis  partes  in  fabula:  *)  sed  quia  dubium  non  est,  quin  delectus  fuerit  hic  unus  inter  episcopos,  in  quo  totus  ordo  sua  decora  ostentaret,  nisi  eos  sui  pigeat  iam  ac  pudeat,  vehementer  me  ipsorum  miseret.  Unum  est,  quod  illis  perstringere  queat  oculos,  quod  flosculos  omnes  undique  collegit,  imo  quidquid  unquam  elegantiae  didicerat  sedulo  in  suam  orationem  inferciit,  ut  se  pro  diserto  venditaret.  Ac  per  me  sane  licebit,  ut  [pag.  63]  se  putet  disertissimum,  suisque  talis  videatur.  Ciceroni  quidem  valde  familiarem  fuisse  oportet,  ex  quo  tanta  fiducia  laceras  sententias  mutuatur:  2)  ex  quibus  suam  orationem  male  consarcinet.  Verum,  ut  scurrili  more  ludendo  emendicatam  illam  suam  garrulitatem  ad  opprimendum  Christi  regnum  contorqueat,  et  scripturam  pro  libidine  profanet,  id  vero  nullo  modo  ferendum.  Quoniam  singula  notare  infiniti  esset  operis,  gustum  ex  paucis  capiant  lectores.  Postquam  hilaris  orator  triplici  gaudio  perfudit  auditorium,  s)  sibi  et  sociis  gratulatur,  quod  oculis  iam  videant  et  manibus  tangant  beatam  illam  spem,  quam  multi  videre  quum  cuperent  non  potuerunt.  Quod  partim  de  priore  Christi  in  mundum  adventu,  partim  de  ultima  revelatione,  quam  adhuc  exspectamus,  dictum  est,  quis  pius  sine  stomacho  audiat  ab  isto  insano  ad  Tridentinam  colluviem  transferri?4)  Et  ne  quid  ad  impudentiae  cumulum  deesset,  tertium  membrum  ex  undecimo  ad  Hebraeos  capite  de  ultima  fidelium  perfectione  assuit.  Post  haec  praeludia,  quid  non  sibi  licitum  putaret?  Itaque  non  dubitat  Christum  nudare,  ut  eius  spoliis  papam  suum  ornet.  Papa,5)  inquit,  lux  venit  in  ≪mundum.  Os  sacrilegum,6)  tune  sacrosancto  illo  elogio,  quod  non  nisi  in  filium  Dei  competebat,  foetidum  [pag.  64]  illud  tuum  monstrum7)  commendabis?  Si  quem  esse  Deum  crederes,  annon  ipse  nefariae  vocis  sonitus  te  subito  horrore  perculisset,  ac  reddidisset  attonitum?  An  si  quis  in  praeclara  illa  synodo  fuisset  pietatis  sensus,  tanta  non  modo  scripturae  profanatio,  sed  in  filium  Dei  contumelia  non  omnes  iracundia  inflammasset?  Et  adhuc  spiritum  sanctum  iactabunt  praesidere,  ubi  redemptor  1)  pour  entrelaeer  le  personnage  d'un  fol,  afin  de  faire  rire  les  auditeurs.  2)  duquel  il  emprunte  beaucoup  de  clausules,  aussi  hardiment  que  s'il  les  peschoit  dans  son  plat.  Il  y  a  une  faute  qu'il  ne  les  applique  guere  bien:  neantmoins  ie  luy  pardonne  tout  cela.  3)  Apres  que  de  premiere  entree  il  a  crye  trois  fois  Gaudete,  sans  propos,  comme  s'il  iouoit  une  morisque.  4)  Add.  Et  qui  est  l'homme  craignant  Dieu  qui  ne  se  despitast,  voyant  l'Escriture  estre  ainsi  renversee?  5)  Le  Pape  Paul.  6)  O  puante  gueule.  7)  ton  Antechrist.