54:397  397  SUR  L'EPITRE  A  TITE.  398  que  l'Evangile  nous  a  este  presche,  et  qu'une  telle  grace  n'a  pas  este  faite  aux  Peres  anciens,  et  aux  Prophetes,  magnifions  Dieu  de  ce  qu'il  luy  a  peu  nous  advancer  en  un  degre  plus  haut:  non  pas  que  nous  en  fussions  dignes,  ne  que  nous  Peussions  merite,  mais  il  Ta  fait  par  sa  bonte  infinie.  Et  cependant  n'enquerons  point  outre  nostre  mesure:  car  nous  demeurerons  confus,  quand  nous  voudrons  nous  lascher  la  bride:  nous  ne  ferons  que  nous  esgarer,  et  ne  trouverons  ne  sons  ne  rive  :  mais  ayons  ceste  simplicite-la  de  dire,  Dieu  a  besongne  comme  il  a  cognu  estre  bon,  et  sa  volonte  nous  doit  suffire  pour  toute  sagesse.  Et  si  nous  en  voulons  cercher  d'avantage,  c'est  un  orgueil  diabolique,  quand  nous  ne  ferons  point  cest  honneur  a  Dieu,  de  dire  qu'il  a  tout  fait  par  une  sagesse  et  iustice  admirable.  Apprenons  donc  d'estre  sobres  et  modestes.  Quand  sainct  Paul  nous  met  ici  les  temps  opportuns,  ausquels  l'Evangile  nous  a  este  revele,  et  que  les  choses  qui  avoyent  este  attendues  auparavant  nous  ont  este  manifestees,  il  adiouste,  La  parole  en  la  predication  qui  m'est  commise.  Yci  il  sera  bien  convenable  que  nous  entendions  par  la  Parole,  nostre  Seigneur  Iesus  Christ:  comme  nous  voyons  que  sainct  Iehan  en  parle  en  sa  Canonique,  que  des  le  commencement  (dit-il)  c'est  ce  que  nous  avons  ouy  de  la  Parole  de  vie,  quand  la  vie  nous  a  este  manifestee,  et  nous  l'avons  touchee  a  nos  mains,  dit-il.  La  sainct  Iehan  declare  qu'en  la  personne  du  Fils  de  Dieu  la  vie  nous  a  este  offerte,  tellement  que  nous  en  avons  certaine  possession,  combien  que  le  fruict  n'en  soit  pas  encore  cognu.  Et  ici  sainct  Paul,  apres  avoir  parle  des  promesses  de  Dieu,  et  de  ce  qui  nous  a  este  revele  en  temps  propre  et  opportun,  il  adiouste,  Ascavoir,  la  Parole,  Or  il  est  vray  que  Dieu  nous  a  donne  sa  Parole,  comme  le  tesmoignage  de  nostre  vie,  et  qu'il  nous  faut  arrester  a  icelle:  mais  cependant  ou  est-ce  que  la  parole  de  Dieu  nous  mene  sinon  a.  Iesus  Christ?  Car  c'en  est  la  substance:  comme  sainct  Paul  dit  en  un  autre  passage,  qu'en  luy  toutes  les  promesses  de  Dieu  sont  Ouy  et  Amen:  qu'il  n'y  a  point  de  fermete  sinon  que  nous  soyons  appuyez  sur  nostre  Seigneur  Iesus  Christ:  non  pas  que  Dieu  soit  variable  en  soy,  car  nous  ne  disputons  point  ici  de  ce  que  Dieu  peut  faire,  mais  nous  disputons  de  l'ordre  qu'il  a  establi.  Or  est-il  ainsi  qu'il  ne  nous  faut  point  cercher  nostre  vie  ailleurs  que  la  ou  il  nous  la  donne,  et  veut  que  nous  puisions  de  la  toute  l'asseurance  que  nous  avons  en  sa  promesse.  Ainsi  non  sans  cause  sainct  Paul  nous  propose  ici  la  personne  de  nostre  Seigneur  Iesus  Christ,  comme  aussi  c'est  en  cela  principalement  que  nous  differons  d'avec  les  Peres  ancieps,  quand  nous  avons  le  Redempteur  auquel  nous  contemplons  clairement  les  choses  qui