41:397  397  SUR  LE  VI.  CHAP.  DE  DANIEL.  398  empesches  de  servir  a  Dieu.  Qu  e  si  on  nous  impose  des  lois  encores  qu'elles  soient  iniustes,  encor  nous  les  faut  il  porter,  mais  si  elles  deroguent  a  l'obeissance  de  Dieu,  que  son  service  en  soit  diminue,  ne  craignons  point  de  les  transgresser,  ne  de  courroucer  les  hommes.  Car  combien  qu'ils  soient  Princes,  nous  ne  leur  ferons  point  d'iniure,  quand  nous  servirons  plustost  a  Dieu  qu'a  eux,  car  il  faut  que  cette  sentence  ait  lieu  entre  nous,  qu'il  faut  plustost  obeir  a  Dieu  qu'aux  hommes.  Comme  nous  verrons  de  la  protestation  que  fait  Daniel,  qu'il  ha  chemine  en  toute  iustice  devant  Dieu,  et  et  puis  apres  le  Roy  n'a  point  trouve  de  faute  en  luy.  Comme  s'il  disoit,  qu'apres*  qu'il  a  rendu  a  Dieu  l'honneur  qu'il  luy  appartient,  qu'il  s'est  aussi  acquite  de  son  devoir  envers  le  Roy.  Ie  vous  prie  si  on  nous  commande  de  paillardes  et  de  desrober,  de  meurtrir,  prendrons  nous  tout  cela  pour  une  loy?  nenni.  Nous  dirons  que  ce  sont  bestes  insensees,  qui  nous  voudroient  ietter  en  enfer,  qui  voudroient  abolir  toutes  loix,  toutes  polices.  Or  celuy  qui  commande  qu'on  offence  Dieu,  il  commande  ce  qui  vaut  pis  que  tout  larrecin.  Et  pourquoy  les  larcins  qui  se  commettent  aux  biens  de  ce  monde,  qui  sont  corruptibles,  sont  ils  si  meschans,  que  quand  on  ravist  a  Dieu  l'honneur  qui  luy  appartient.  Voila  donc  des  choses  plus  execrables,  que  des  larrecins.  Apres  si  on  nous  commande  d'idolatrer,  n'est  ce  pas  polluer  nos  corps  et  nos  ames,  en  une  pollution  qui  est  beaucoup  plus  detestable  devant  Dieu,  que  toutes  les  paillardises  de  ce  monde?  Et  ainsi  tiendrons  nous  cela  pour  loy?  nenni  non,  qu'ils  nous  souvienne  donques  de  ce  qui  est  dit,  qu'il  faut  que  les  enfans  obeissent  a  leurs  peres,  et  a  leurs  meres,  et  les  serviteurs  a  leurs  maistres,  et  les  subies  a  leurs  superieurs.  Voire  mais  selon  Dieu,  il  faut  que  cette  bride  soit  mise  par  dessus,  c'est  a  scavoir  que  nous  ne  soions  point  distraits  ne  destournes  de  l'obeissance,  ni  de  la  subiection  que  nous  devons  au  Roy  souverain,  qui  domine  par  dessus  tous  les  princes  de  ce  monde,  sachant  que  les  roiaumes  ne  sont  rien  sinon  entant  qu'ils  sont  constitues  de  Dieu.  Quelle  autorite  merite  un  Roy,  sinon  entant  que  Dieu  luy  donne?  et  s'il  s'esleve  contre  Dieu,  faut  il  qu'on  luy  obeisse?  il  est  bien  certain  que  non.  Voila  doncques  quant  a  ce  poinct,  ou  il  est  parle  ici,  que  Daniel  n'avoit  tenu  compte  du  Roy,  ce  qui  luy  est  impose  faucement.  Or  poursuivons  maintenant,  il  est  dit  que  le  Roy  Darius  demande  de  sauver  Daniel,  et  toutesfois  il  ne  peut  venir  a  bout,  combien  qu'il  eust  este  irrite,  car  nous  scavons  quel  est  l'orgueil  des  princes,  pendant  et  si  tost  qu'on  leur  parle  de  leur  maieste.  Or  il  ni  ha  plus  d'esgard,  les  voila  en  une  rage  et  furie,  si  on  leur  dit,  Sire  regardes  a  vous,  si  vous  n'avises  a