25:397  397  REDITUS  AD  HISTORIAM.  398  Deus,  eum  unum  fuisse  victorem:  quia  nonnisi  eius  nutu  et  mandato  praevaluerint  Israelitae.  18.  Et  habitabit  Israel.  Principium  versus  minime  obscurum  est,  ubi  promittit  Moses  electo  populo,  quod  omnes  naturaliter  in  primis  appetunt:  nempe  pacem  vel  tranquillum  statum:  is  enim  dicitur  confidenter  habitare  solus,  qui  nihil  metuit  periculi,  quem  nulla  cura  sollicitat,  et  qui  nullo  armorum  praesidio  vel  defensione  indiget.  Haec  quidem  nunquam  in  solidum  praestitit  Israelitis,  ut  secure  et  extra  hostium  metum  terram  suam  incolerent:  quia  scilicet  eorum  ingratitudo  passa  id  non  est:  ideoque  inter  beneficia  regni  Christi  commemorant  prophetae,  ut  habitet  quisque  sub  vite  sua,  et  sub  ficu.  Quidam  Oculum  metaphorice  pro  visione  accipiunt:  quasi  dictum  esset,  Quietam  habitationem  et  placidam  (cuius  fit  mentio)  populo  sperandam  esse  ex  visione  patris  Iacob:  [quod  prorsus  alienum  est.  Magis  tolerabile  quod]  alii  fontem  Iacob  appositive  legunt:  quia  omnes  tribus  ab  uno  illo  patre  ducebant  originem.  Hoc  autem  modo,  fons  non  tantum  erit  prima  scaturigo:  sed  rivus  aut  fluvius  qui  ab  ea  defluit.  [Verum  genuinus  sensus  est,  terram  copia  tritici  et  vini  refertam  semper  expositam  fore  conspectui  Iacob,  ut  praesenti  opum  suarum  intuitu  delectetur].  In  fine  promittit  Moses,  coelum  quoque  terrae  sanctae  propitium  fore  et  benignum.  29.  Beatus  es  o  Israel.  Exclamat  rursus  felicem  esse  populum  cuius  salus  in  Deo  est:  ut  certe  haec  vera  est  et  unica  felicitas:  quia  nisi  ad  primam  salutis  causam  ascendimus,  omnes  salutes  (ut  ita  loquar)  sunt  evanidae.  Quia  autem  hoc  privilegio  Deus  nonnisi  solos  Israelitas  dignatus  erat,  ideo  eius  conditio  a  communi  totius  generis  humani  sorte  discernitur.  Per  gladium  et  scutum  intelligitur  perfecta  defensio,  ac  si  diceret,  non  alibi  quaerendam  esse  ullam  armaturae  partem.  DEUT.  CAP.  XXXIV.  1.  Ascendit  ergo  Moses  e  planitie  Moab  ad  montem  Nebo,  in  verticem  collis  qui  est  e  regione  Iericho,  et  ostendit  illi  Iehova  omnem  terram  Gilad  usque  Dan:  2.  Et  universum  Nephthali,  et  terram  Ephraim,  et  Manasse,  et  omnem  terram  Iehuda  usque  ad  mare  novissimum:  3.  Et  Meridiem  et  planitiem,  vallem  Iericho  urbis  palmarum,  usque  ad  Soar.  4.  Et  dixit  ei  Iehova:  Haec  est  terra  de  qua  iuravi  Abrahae,  Isaac  et  Iacob,  dicendo:  Semini  tuo  dabo  Ulam:  videre  te  feci  oculis  tuis,  at  illuc  non  transibis.  5.  Itaque  mortuus  est  iUic  Moses  servus  Iehovae  in  terra  Moab,  secundum  mandatum  Iehovae.  6.  Et  sepelivit  eum  in  Gai,  in  terra  Moab,  e  regione  Beth-