9:396  qui  populum  eduxit,  qui  prophetas  misit,  qui  filium  suum  promisit,  qui  vineam  dedit  aliis  colonis,  iis  qui  reddunt  fructum  in  temporibus  suis.  Ex  lib.  5,  fol  326,  lit.  B.  Ostendimus  autem  et  in  tertio  libro,  nullum  ab  apostolis  ex  sua  persona  Deum  appellari,  nisi  eum  qui  vere  sit  Deus  pater  Domini  nostri.  EX  TERTULLIANO  ADVERSUS  PRAXEAM.  Fol  146,  lit.  C.  Quaecunque  ergo  substantia  sermonis  fuit,  Ulam  dico  personam,  et  illi  nomen  filii  vindico:  et  dum  filium  agnosco,  secundum  a  patre  defendo.  Ibidem,  lit.  G.  Non  tamen  divisione  alium  filium  a  patre  sed  distinctione,  quia  non  sit  idem  pater  et  filius  vel  modulo  alius  ab  alio.  Pater  enim  tota  substantia  est>  filius  vero  derivatio  totius  et  portio.  Hic  substantiam  posuit  pro  essentia.  Fol.  148,  lit.  C.  Consequens  erit,  ut  invisibilem  patrem  intelligamus  pro  plenitudine  maiestatis,  visibilem  vero  [pag.  62]  filium  agnoscamus  pro  modulo  derivationis.  Solet  enim  Tertullianus  personas  verbi  et  spiritus  sancti  distinctas,  sed  individuas  ab  essentia,  derivationes  appellare,  et  quasi  portiones  totius:  ita  tamen  ut  eae  totum  capiant  ac  complectantur.  Fol  149,  lit.  F.  Non  enim  desinit  esse,  qui  habet  filium,  ipse  unicus,  suo  scilicet  nomine,  quoties  sine  filio  nominatur.  Sine  filio  autem  nominatur  quum  principaliter  determinatur  ut  prima  persona,  quae  ante  filii  nomen  erat  proponenda.  Quia  pater  ante  cognoscitur,  et  post  patrem  filius  nominatur.  Igitur  unus  pater,  et  absque  eo  alius  non  est.  Etiam  hic  graphice  proprietatem  patris  depingit.  Fol  152,  lit.  A.  Sicut  ergo  sermo  Dei  non  est  ipse  cuius  est:  ita  nec  spiritus,  etsi  Deus  dictus,  non  tamen  ipse  est  cuius  est  dictus.  Nulla  res  alicuius  ipsa  est  cuius  est.l)  Plane  quum  quid  ex  ipso  et,  et  sic  eius  est,  dum  ex  ipso  sit,  potest  tale  quid  esse,  quale  et  ipse  ex  quo  est,  et  cuius  est.  Et  ideo  spiritus  Deus,  et  sermo  Deus,  quia  in  Deo:  non  tamen  ipse  ex  quo  est.  Quod  Deus  Dei  tanquam  substantiva  res  non  erit  ipse  Deus,  sed  hactenus  Deus,  quia  ex  ipsius  Dei  substantia:  quae  et  substantiva  res  est,  et  ut  portio  aliqua  totius.  1)  Hic  subsistit  versio  gallica.  Meliqua  usque  ad  finem  huius  excerpti  desunt.