7:396  titulum  romano  concederent?  An  ab  ecclesiae  communione  se  abdicabat  Cyprianus,  quum  Stephanum  romanum  episcopum  non  modo  cogebat  in  ordinem,  ut  se  docilem  suis  collegis  praeberet,  sed  erroris,  inscitiae  et  praefractae  obstinationis  illum  damnabat?  An  faciendae  a  Christi  grege  discessionis  autor  erat  Hieronymus,  quum  superbia  divitiarum,  vel  paupertatis  [pag.  61]  humilitate  superiorem  vel  inferiorem  episcopum  fieri  negaret:  sive  romanus  esset,  sive  eugubinus?  Sed  enim  ut,  nobis  annuentibus,  in  tertium  coelum  evehatur  romana  sedes:  quam  ridiculum  est,  primatem  episcoporum  facere,  qui  episcopo  non  magis  est  similis,  quam  lupus  agno?  Parum  est,  nihil  in  eo  cerni  episcopale:  verum  quum  sit  professus  Christi  et  ecclesiae  hostis,  etiamne  Christi  vicarium  agnoscemus?  Quanquam  has  disputationes  longius  protrahere,  non  est  praesentis  instituti.  Et  ex  scriptis  nostris  petere  satius  est,  quae  ad  hanc  rem  faciunt.  Et  ipsa  Catharini  verba  nos  admonent,  diutius  non  esse  hic  immorandum.  Nam  simul  atque  peieravit,  se  minime  gratiam  adulando  aucupari,  continuo  subiicit:  Sedad  rem.  Quo  verbo  innuit,  se  extra  rem  evagatum,  et  abs  re  loquutum  esse.  Ad  rem  vero  ut  nos  reducat,  nulla  spes  est,  nisi  prius  ad  sanam  mentem  redeat.  Si  leonem  ab  unguibus  1)  aestimare  placet  :  iam.  habent  lectores,  quid  de  Tridentino  concilio  sentire  debeant.  Nam  credibile  est  ex  monachis,  qui  affuerunt,  hos,  quibus  potissimum  datus  est  declamitandi  locus,  habitos  fuisse  primarios,  et  quasi  selectum  florem.  Eosdem  ergo  sciamus  esse,  ex  quorum  ingenio  prodierunt  decreta:  qui  patribus  cornutis  dictarunt,  quod  tacito  nutu,  quasi  mutae  personae,  [pag.  62]  approbarent.  Quo  recidimus?  Ut  pro  divinis  oraculis  habenda  sint  quaecunque  talibus  bestiis2)  libuerit,  obstrepera  voce,  in  aliorum  aures  demurmurare  ?  Quanquam  non  sum  adeo  rerum  ignarus,  ut  credam  orationes,  quae  istorum  nomine  editae  sunt,  qualescunque  sint,  ab  ipsis  fuisse  compositas.  3)  Habent  enim  suos  logodaedalos,  quibus  suas  insulsitates,  ne  risum  pueris  moveant,  aliquo  verborum  colore  fucandas  tradunt.  Sed  fingamus  nihil  esse,  quod  non  industria  sua  limaverint:  id  tamen  in  magno  lucro  ponendum  est,  tale  exstare  specimen  in  quo  formidabilis  illa  papatus  sapientia  appareat.  Nec  vero  praetereundus  est  episcopus  nescio  quis,  Cornelius4)  nomine,  qui  ut  superiores  omnes  1)  un  asne  des  aureilles.  2)  telles  bestes  chaussees.  3)  Add.  Car  les  plus  excellens  caphardz  sont  le  plus  souvent  si  barbares,  qu'ilz  ne  sauroyent  composer  trois  motz  sans  incongruite.  Pourtant  ilz  ont  des  forgeurs  etc.  4)  Cornelius  Mussus  Placentinus,  ex  ord.  s.  Francisci,  episcopus  Bitantinus.  Eius  sermonem  habet  Labbeus  in  Concil.  T.  XIV.  f.  990.  Cf.  Le  Plat,  monum.  Conc.  Trid.  L  18,