55:396  sincero  cordis  affectu  a  vobis  recipi  oportet,  ut  pie  sancteque  vivatis.  Porro  quum  hoc  esse  novi  testamenti  beneficium,  ut  lex  Dei  nos  reformet,  ex  Ieremiae  (31,  33)  testimonio  et  compluribus  aliis  pateat:  sequitur  id  non  posse  obtineri  donec  ad  Christum  ventum  fuerit.  Et  certe  solus  ipse  est  legis  finis  ao  perfectio.  Ideo  l  i  b  e  r  t  a  t  em  addit  Iacobus,  velut  individuam  comitem:  quia  nunquam  regenerat  nos  Christi  spiritus,  quin  divinae  adoptionis  pariter  sit  testis  atque  arrhabo,  ut  metu  et  trepidatione  corda  nostra  liberet.  Permanserit.  Hoc  est,  fixus  perstiterit  in  illa  Dei  cognitione.  Et  quum  addit,  b  e  a  t  u  s  erit  in  opere  s  u  o  ,  significat  in  ipsa  actione  sitam  esse  beatitudinem,  non  in  auditione  frigida.  26.  Videtur  religiosus.  Nunc  in  iis  etiam  qui  se  legis  factores  esse  prae  se  ferunt,  vitium,  quo  laborant  communiter  hypocritae,  reprehendit:  nempe  linguae  proterviam  ad  detrahendum.  Antehac  de  linguae  continentia  aliquid  attigit:  sed  alio  fine,  nam  tunc  iubebat  silentium  nos  praestare  Deo,  quo  essemus  ad  discendum  melius  compositi.  Iam  aliud  tractat,  Ne  maledicendo  linguam  exerceant  fideles.  Porro  hoc  vitium  nominatim  oportuit  taxari  quum  de  legis  observatione  sermo  esset.  Nam  qui  crassiora  vitia  exuerunt,  huic  morbo  sunt  utplurimum  obnoxii.  Qui  neque  adulter  erit,  neque  fur,  neque  ebriosus,  quin  potius  externa  sanctimoniae  specie  fulgebit,  aliorum  famam  lacerando,  se  iactabit:  zeli  quidem  praetextu,  sed  obtrectandi  libidine.  Proinde  hic  veros  Dei  cultores  discernere  voluit  ab  hypocritis,  qui  pharisaico  supercilio  ita  turgent  ut  laudem  captent  ex  aliorum  omnium  sugillatione.  Si  quis  videtur,  inquit,  hoc  est,  alioqui  speciem  habet  sanctimoniae:  interea  autem  maledicendo  se  oblectat,  hinc  convincitur  non  vere  Deum  colere.  Nam  quum  dicit,  Religionem  eius  vanam  esse,  non  modo  significat  reliquas  virtutes  maledicentiae  labe  corrumpi,  eed  colligit  non  sincerum  esse  pietatis  studium  quod  apparet.  Sed  cor  suum  decipit,  Mihi  non  placet  Erasmi  versio:  Sinit  aberrare.  Fontem  enim  petulantiae,  cui  addicti  sunt  hypocritae,  designat  quo  immodico  sui  amore  caeci,  longe  se  meliores  esse  quam  sunt,  sibi  persuadeant.  Et  certe  hinc  obtrectandi  morbus,  quia  non  conspicitur  pendens  a  tergo  mantica,  ut  est  in  Aesopi  apologo.  Bene  ergo  Iacobus,  qui  effectum  corrigere  volens,  hoc  est,  maledicendi  libidinem,  causam  attexuit,  quod  scilicet  hypocritae  plus  aequo  sibi  indulgent.  Propensi  enim  ad  condonandum  essent,  si  vicissim  agnoscerent  se  indigere  aliorum  venia.  Blanditiae  ergo  quibus  se  fallunt,  vitiis  suis  parcendo,  tam  superciliosos  faciunt  aliorum  censores.  27.  Beligio  pura.  Quum  ea,  quae  maximi  in