54:396  Car  la  foy  est  comme  une  vision  des  choses  invisibles  (ainsi  que  l'Apostre  l'appelle),  et  une  cognoissance  des  choses  qui  sont  absentes.  Puis  qu'ainsi  est  que  nous  possederons  ce  que  Dieu  nous  offre  auiourd'huy  en  l'Evangile,  la  foy  n'aura  plus  de  lieu.  Voila  ce  que  nous  avons  a  retenir  en  somme,  de  ce  que  sainct  Paul  met,  que  Dieu  avoit  bien  promis  de  tout  temps  ce  qu'auiourd'huy  nous  est  revele,  mais  nous  en  avons  la  pleine  declaration,  voire  en  nostre  Seigneur  Iesus  Christ,  combien  qu'elle  n'apparoisse  point  encores  en  nous  qui  sommes  ses  membres,  mais  que  cela  soit  differe  iusques  au  dernier  iour.  Et  notamment  S.  Paul  met  ici  les  saisons  propres  et  opportunes,  afin  de  nous  faire  glorifier  Dieu  en  son  conseil,  et  que  nous  souffrions  qu'il  dispose  de  tout  comme  il  luy  plaist,  et  que  nous  ne  soyons  point  si  outrecuidez  de  repliquer  contre  luy,  quand  il  ne  fera  point  les  choses  a  nostre  appetit,  que  nous  n'entrions  point  en  question  ni  proces  avec  luy,  comme  nous  avons  de  coustume.  Et  voila  pourquoy  il  dit  aussi  bien  aux  Galates,  Quand  la  plenitude  des  temps  est  venue,  Dieu  a  envoye  son  Fils.  Et  qu'emporte  ce  mot-la?  Les  hommes  selon  leur  curiosite  demandent,  Et  pourquoy  est-ce  que  Iesus  Christ  n'est  apparu  plustost?  Voila  Adam  qui  avoit  ruine  toute  sa  race  avec  soy:  le  genre  humain  est  demeure  en  ceste  confusion-la  si  longuement,  qu'il  est  la  comme  pourri  en  sa  misere:  et  faloit-il  que  Dieu  teinst  la  les  Peres  le  bec  en  l'eau  (comme  on  dit)  et  que  le  Redempteur  ne  fust  envoye  plustost?  Puis  que  le  mal  estoit  desia  advenu,  pourquoy  est-ce  que  Dieu  n'y  a  pourveu  de  meilleure  heure,  et  qu'il  n'y  a  donne  remede?  Voila  comme  les  hommes  disputent:  mais  quand  ils  se  donnent  une  telle  licence,  ils  pourroyent  aussi  bien  demander,  pourquoy  le  monde  a  este  cree  seulement  depuis  six  mille  ans,  et  que  Dieu  ne  s'en  est  plustost  advise.  Mais  quoy?  Que  font  les  hommes  s'ils  s'embrouillent  ainsi?  Or  c'est  pour  s'abysmer  et  pour  se  ruiner  du  tout.  Apprenons  donc  d'estre  sobres,  et  de  ne  nous  point  enquerir  outre  nostre  mesure,  et  cognoistre,  tout  ainsi  que  Dieu  a  sceu  la  saison  opportune  en  laquelle  il  devoit  creer  le  monde,  qu'aussi  il  a  cognu  la  saison  opportune  d'envoyer  l'Evangile.  Et  voila  comme  il  coupe  broche  a  toutes  les  questions  frivoles  aussi  bien  au  dernier  chapitre  des  Romains,  et  en  la  seconde  Epistre  a,  Timothee,  et  aux  Corinthiens,  et  aux  Ephesiens:  en  ces  passages-la  il  monstre  qu'il  ne  faut  pas  que  les  hommes  soyent  ici  iuges:  car  ce  seroit  trop  usurper,  quand  ils  voudroyent  determiner  d'une  chose  si  haute,  comme  du  conseil  de  Dieu.  Mais  contentons-nous  que  Dieu  l'a  ainsi  dispose,  et  qu'il  a  cognu  les  saisons  propres  et  opportunes  pour  faire  ses  oeuvres.  Et  ainsi  donc,  quand  nous  oyons