47:396  diculum,  ne  Christum  putemus  infirmitate  victum  cessisse:  deinde  comprobat,  quam  voluntarius  ad  obeundam  mortem  fuerit.  Quatenus  ergo  utile  erat,  suam  contra  hostes  virtutem  asseruit:  sed  ubi  obediendum  fuit  patri,  continuit  se  ut  victima  fieret.  Caeterum  meminerimus,  ligatum  fuisse  filii  Dei  corpus,  ut  solverentur  animae  nostrae  a  peccati  et  Satanae  laqueis.  13.  Et  abduxerunt  ad  Annam.  Hoc  praetereunt  reliqui  evangelistae,  quia  ad  sumjnam  historiae  non  multum  faciat:  nihil  enim  illic  memorabile  gestum  est.  Loci  forte  commoditas  eos  induxit,  ut  in  aedibus  Annae  Christum  deponerent,  quousque  pontifex  sacerdotum  concilium  vocaret.  Pontifex  anni  illius.  Non  intelligit  annuum  fuisse  summi  sacerdotii  munus,  quod  multi  falso  putarunt,  sed  tunc  temporis  Caipham  fuisse  pontificem,  quod  ex  Iosepho  aperte  constat.  Erat  perpetuus  honor  ex  praescripto  legis  nec  finiebatur  nisi  morte,  sed  ambitio  et  intestinae  discordiae  fecerant,  ut  romani  praesides  deiecto  uno  sacerdote  pro  suo  arbitrio  alium,  qui  pecunia  aut  favore  pollebat,  subrogarent.  Ita  Vitellius  deiecit  Caipham,  cui  Ionathas  Annae  filius  datus  est  successor.  14.  Qui  consilium  dederat  Iudaeis.  Repetit  evangelista  sententiam  Caiphae  quam  prius  habuimus,  quod  Deus  impuro  perfidi  et  scelerati  pontificis  ore  usus  esset  ad  vaticinium  edendum  (supra  l  l  ,  50),  sicuti  linguam  Balaam  praeter  animi  eius  votum  direxit,  ut  populum  cogeretur  benedicere,  cui  mala  imprecari  optabat  in  gratiam  regis  Balac  (Num.  24,  5).  15.  Sequebatur  autem  Iesum  Simon  Petrus  et  alius  discipulus.  Erat  autem  discipulus  ille  notus  pontifici.  Itaque  ingressus  est  cum  Iesu  in  aulam  pontificis.  16.  Petrus  autem  stabat  foris  ad  ianuam.  Exivit  ergo  alter  discipulus,  qui  notus  erat  pontifici,  et  dixit  ostiariae  et  introduxit  Petrum.  17.  Dixit  ergo  ancilla  ostiaria  Petro:  Num  et  tu  ex  discipulis  es  hominis  istius?  Dicit  ille:  Non  sum.  18.  Stabant  autem  servi  et  ministri,  qui  prunas  accenderant,  eo  quod  frigus  esset,  et  calefaciebant  se.  Erat  autem  et  Simon  Petrus  cum  illis  stans  et  calefaciens  se.  15.  Alius  discipulus.  Quosdam  fefellit  levis  coniectura,  ut  hunc  discipulum  putarent  esse  Ioannem:  nempe  quia  suppresso  nomine  de  se  loqui  solet.  Sed  unde  cum  superbo  pontifice  familiaris  notitia  Ioanni,  qui  ignobilis  erat  piscator?  Et  quomodo  fieri  potuit,  ut  pontificis  domum  frequentaret,  quum  esset  in  Christi  contubernio?  Magis  probabile  est,  hunc  non  fuisse  unum  ex  duodecim,  sed  vocari  discipulum,  quia  doctrinam  filii  Dei  amplexus  esset.  Non  est  autem  curiosus  Ioannes  in  digerenda  historia,  quia  satis  habet  brevem  summam  colligere.  Nam  postquam  retulit,  Petrum  semei  Christum  ne.