41:396  point  qu'ils  reiettent  son  ioug,  mais  qu'ils  se  contentent  de  dominer  tousiours  sous  sa  puissance,  qu'il  les  conduise  tellement,  qu'ils  ne  demandent  sinon  de  regner  avec  telle  condition  que  cependant  ils  soient  serviteurs  de  celuy  qui  a  toute  autorite  par  dessus  eux,  et  par  dessus  nous.  De  nostre  coste  nous  devons  bien  aussi  prier  Dieu  qu'il  luy  plaise  de  tenir  les  princes  en  sa  conduite,  qu'il  ne  permette  point  qu'ils  facent  des  chevaux  eschappes,  pour  s'egarer  et  s'oublier,  mais  qu'il  leur  monstre  quels  ils  sont,  que  les  hommes  connoissent  (comme  il  est  dit  au  pseaume)  qu'ils  sont  hommes.  Voila  une  priere  qui  est  generalle,  quand  les  hommes  se  veulent  eslever  contre  Dieu.  Nous  devons  gemir  et  faire  cette  priere:  Seigneur  donne  leur  a  connoistre  qu'ils  sont  hommes,  c'est  a  dire  que  tu  leur  donnes  de  tels  coups  de  marteaux  qu'ils  aprenent  que  c'est  que  leur  condition,  et  qu'ils  ne  se  mesconnoissent  plus.  Voila  donc  la  requeste  que  nous  devons  faire  a  Dieu,  c'est  a  scavoir  qu'il  abaisse,  qu'il  humilie  ceux  qui  sont  esleves  en  haut,  qui  sont  constitues  en  estat  pour  gouverner  les  royaumes,  les  pais  et  les  villes.  Et  ce  pendant  si  il  y  en  ha  qui  s'eslevent  a  l'encontre  de  luy,  qu'ils  soient  si  fols  de  ne  plus  s'estimer  hommes,  qu'il  leur  face  sentir  leur  condition,  et  ce  pendant  que  son  autorite  soit  maintenue,  et  que  les  hommes  connoissent  qu'il  ni  a  principaute,  ni  royaume,  ni  empire  en  ce  monde,  qui  ne  doive  estre  rapporte  a  Dieu,  et  qu'il  ni  ha  qu'une  seule  puissance  de  Dieu,  qui  soit  infinie.  Voila  donc  quant  a  ce  poinct,  ou  nous  voions  que  Daniel  a  este  accuse,  qu'il  n'avoit  tenu  compte  du  Roy,  d'autant  qu'il  avoit  prefere  Dieu  au  Roy.  Et  ainsi  donques  suivant  son  exemple,  qu'il  nous  a  ici  mis,  nous  avons  a  nous  souvenir,  de  ce  qui  nous  est  monstre  en  l'escriture,  a  scavoir  de  craindre  Dieu,  et  d'honorer  le  Roy.  C'est  Salomon  qui  parle  ainsi,  et  Dieu  a  voulu  que  cette  sentence  ait  este  prononcee  par  la  bouche  d'un  Roy,  a  fin  d'avoir  tant  plus  d'autorite  envers  nous,  il  est  vray  que  quand  Amos  qui  n'estoit  qu'un  bouvier,  eust  parle  ainsi,  puis  qu'il  est  prophete  de  Dieu,  il  ne  faudroit  point  avoir  d'egard  a  sa  personne.  Mais  tant  y  ha,  que  voici  un  Roy  qui  parle,  il  ne  commence  point  par  son  estat  pour  magnifier  sa  dignite,  mais  il  bastit  sur  un  vray  fondement,  qu'on  craigne  Dieu,  et  puis  que  le  Roy  soit  honore.  Par  cela  il  signifie  que  toute  obeissance,  que  nous  devons  aux  princes  de  ce  monde,  se  doit  reduire  a  cela,  que  Dieu  soit  servi,  que  son  nom  soit  magnifie  par  nous.  Et  puis  quand  nous  aurons  commence  par  Dieu,  que  nous  venions  puis  apres  aux  hommes,  qu'ils  soient  inferieurs,  comme  il  appartient.  Et  ainsi  que  toutesfois  et  quantes  que  nous  aurons  des  loix  humaines,  que  nous  regardions  cela,  que  nous  ne  soions  point