25:396  solus  oculus  Iacob:  in  terra  frumenti  et  vini,  etiam  coeli  eius  stillabunt  rorem.  29.  Beatus  es  o  Israel^  quis  similis  tibi  popule  qui  servaris  in  Iehova  scuto  auxilii  tui,  et  gladio  excellentiae  tuae?  humiliabuntur  inimici  tui,  et  tu  super  excelsa  eorum  calcabis.  26.  Non  est  similis.  Transit  Moses  a  partibus  ad  totum,  quia  ad  universum  corpus  quod  ex  duodecim  familiis  constabat,  nunc  descendit  Porro  in  unum  finem  tendunt  omnia,  felicem  esse  populum  Israeliticum,  quem  Deus  in  fidem  suam  et  tutelam  recepit,  nihil  enim  ad  summum  bonum  optabilius,  quam  ut  salus  nostra  in  manu  Dei  reposita  sit.  Verum  quia  bonum  inaestimabile  exiguo  saepe  in  pretio  habetur,  protegi  scilicet  sub  Dei  custodia,  Moses  per  admirationem  exclamat,  non  esse  qui  conferri  possit  cum  Deo  Israelis.  Scimus  enim  cunctis  gentibus  suos  fuisse  tutelares  deos,  vel  patronos:  et  stulte  quasque  gloriatas  esse  suis  idolis.  Atqui  subinde  experiebantur,  quidquid  illic  fiduciae  locabant,  inane  esse  ac  frivolum:  Moses  ergo  Deum  Israel  ab  imaginaria  falsorum  deorum  turba  eximit,  cui  similem  usquam  inveniri  posse  negat.  Potentiam  vero  eius  extollit:  quia  magnifice  equitet  in  coelis  et  nubibus:  quod  tantundem  valet  atque  omnem  celsitudinem  eius  imperio  subiectam  esse.  Verum  quia  parum  prodesset  immensam  eius  potentiam  extra  nos  reputare,  diserte  admonet  Moses,  Deum  non  sibi  esse  fortem,  sed  ut  populo  suo  auxilietur.  27.  Habitaculum.  Perinde  est  ac  si  diceret,  superne  protegi  Dei  auxilio  Israelitas  et  in  eodem  fundatos  esse.  Respondet  initium  precationis  alteri  cantico  quod  legitur  inter  Psalmos,  Iehova,  tu  habitaculum  fuisti  nobis  in  generatione  et  generatione  (Psal.  90,1).  Summa  est,  quamvis  ab  omni  parte  expositi  multis  iniuriis  essent  Israelitae,  tranquillam  tamen  illis  quietem  esse  sub  umbra  alarum  Dei.  Et  certe,  nisi  instar  tugurii  fuisset  Dei  manus  ad  eos  protegendos,  millies  periissent.  Verum  quia  non  sufficeret  capita  nostra  esse  in  tuto,  altera  quoque  pars  subiungitur,  porrecta  esse  Dei  brachia  ad  sustinendum  populum.  Vocat  autem  sempiterna,  quia  nunquam  labascit  piorum  firmitas,  qui  in  Deum  recumbunt,  perinde  igitur  est  ac  si  Deum  illis  assignaret  pro  fundo  et  superficie  domus.  Alii  non  tam  recte  vertunt:  Sub  brachiis  sempiternis  vives.  [Concinna  enim  diversitas  ponitur,  quae  tamen  in  eundem  finem  tendit:  ubi  Deus  vocatur  Dip  et  brachia  eius  ob)y  quorum  prius  respicit  tempus  praeteritum,  in  altero  autem  futuri  temporis  notatio  est:  ac  si  dixisset  Deum,  qui  fuit  ab  initio,  et  cuius  virtus  ad  finem  usque  durabit].  Superiorem  doctrinam  experimentis  confirmat,  quia  Deus  hostes  populi  sui  mirabiliter  perdiderit,  modum  tamen  simul  designat,  quod  dixerit:  Perde,  vel  dele,  vel  dissipa.  Qua  voce  significat,  quamvis  Israelitarum  opera  usus  sit