20:396  humanitate,  candore  cruditioneque  tua,  quam  in  te  luculenter,  quum  semel  apud  Bucerum  ornatissimum  virum  Argentorati  fueram,  deprehendi,  eo  denique  amore  quo  te  in  omnes  Christi  cultores  flagrare  animadverti,  qui  omnia  boni  consulit,  nunquam  offenditur,  laesus  facile  offensas  ignoscit,  eo  audacius  ad  te  scripsi,  minime  ambigens,  si  quid  hac  audacia  peccavero,  veniam  me  haud  gravatim  impetraturum,  praesertim  quum  intellexeris,  me  huius  scripti  aliquas,  qualescunque  sint,  causas  habuisse.  Ante  decennium  fere,  quum  apud  doctissimum  virum  D.  M.  Bucerum  Argentorati  fratrum  Boemorum  nomine  egeram,  tecum  quoque  familiaritatem  non  vulgarem  contraxi,  atque  etiam  literas  ad  F.  Ioannem  Augustam,  Boemicum  nostrum  pastorem,  a  te  fere  extorsi,  in  quibus  summa  officia  tua,  quae  absentes  absentibus  praestare  possunt,  fratribus  detulisti,  quae  illis  omnibus  gratissima  fuere.  Ab  eo  tempore  nulla  opportuna  occasio  offerebatur  te  seu  videndi,  seu  etiam  scripto  invisendo  quamvis2)  nunquam  non  obverseris  mihi  ob  oculos  et  omnibus  symmystis  ecclesiarum  nostrarum,  praesertim  scripta  tua  ut  eximii  organi  Christi  legentibus*  Nunc  itaque  quum  fratribus  nostris  dignum  esse  videretur  ut  quosdam  ingenuos  adolescentes  Basileam  studiorum  gratia  ablegatos  suis  sumptibus  alerent,  officii  mei  esse  putabam  ut  te  vel  semel  in  tot  annorum3)  curriculo  salutarem,  imo  meo  aliorumque  fratrum  nomine  rogarem  obtestarerque  ut,  si  quando  contingeret  hisce  adolescentibus  vel  eorum  cuipiam  ad  vos  divertere,4)  eos  vel  eum  tanquam  fratrem  in  Christo  excipere  consilioque  vestro  iuvare  non  dedignaremini.  Id  quod  vos  propter  communem  pietatis  causam  facturos  non  dubitamus.  Quod  ad  ecclesias  nostras  per  Boemiam  attinet,  visum  est  divinae  dignationi  eas  cruci  multisque  ingentibus  persequutionibus  subiicere,  dilectissimique  filii  sui  Domini  nostri  Iesu  Christi  imagini  conformes  reddere,  quo  fidei  sanctorum  facta  sanctimonia  eius,  ut  Paulus  inquit,  abundantius  induerentur.  Pars  ecclesiarum  cum  ministris  quoque  regis  Ferdinandi  e  dictis  sedibus  suis  propter  constantem  professionem  evangelii  eiecta  in  Prussiam  Sauromatis  Lituanis  Scitisve  *  vicinam  5)  concessit.  Domino  eis  illic  qualecunque  domicilium  concedente,  reliquae  Baronibus  subiectae  sub  gravissimo  onere  tribulationum  6)  gemunt,  omni  sanctarum  administrationum  libertate  eis  interdicta,  ad  amplectendas  Antichristi  abominationes  vi  coguntur.  Ministri  quidam  in  carcerem  coniecti  misere  torquentur.  2)  sed  obversaris  G.  3)  amorum  G*  4)  quipiam  .  .  .  diverteret  G.  5)  in  Prussiam  Sauromatiam  Lituaniamve  satis  vicinam  G.  6)  tribulatorum  G.