9:395  395  EXPOSITIO  IMPIETATIS  396  neque  virtus,  neque  pleroma,  hic  pater  Domini  nostri  Iesu  Christi.  Ex  lib.  2,  fol  66,  lit.  B.  Quoniam  autem  hic  Deus  est  pater  Domini  nostri  Iesu  Christi,  et  de  hoc  Paulus  apostolus  dixit  (1  Cor.  8):  Nobis  tamen  unus  Deus  pater  ille,  ex  quo  omnia  et  nos  in  illum,  Fol  126,  lit  A.  Hic  Deus  Abraham  et  Deus  Isaac  et  Deus  Iacob,  Deus  vivorum,  quem  et  lex  annunciat,  quem  prophetae  praeconizant,  quem  spiritus  revelat,  quem  apostoli  tradunt,  quem  ecclesia  credidit,  hic  pater  Domini  nostri  Iesu  Christi,  per  verbum  suum,  qui  est  filius  eius,  per  eum  revelatur  et  manifestatur  omnibus  quibus  revelatur.  Ex  lib.  S,  fol  145,  lit.  A.  Te  igitur  invoco  Domine  Deus  Abraham,  Deus  Isaac,  Deus  Iacob  (qui  est  et  Israel),  pater  Domini  nostri  Iesu  Christi:  Deus  [pag.  60]  qui  per  multitudinem  misericordiae  tuae  et  bene  sensisti  in  nobis,  ut  te  cognoscamus:  qui  fecisti  coelum  et  terram,  et  dominaris  omnium  :  qui  es  solus  et  verus  Deus,  super  quem  alius  Deus  non  est.  Fol  166,  Ut.  B.  Sed  cum  omni  fiducia  Iudaeis  et  Graecis  praedicabant:  Iudaeis  quidem  Iesum,  qui  ab  ipsis  crucifixus  est,  esse  filium  Dei,  iudicem  vivorum  et  mortuorum,  a  patre  accepisse  aeternum  regnum  in  Israel,  quemadmodum  ostendimus:  Graecis  vero,  unum  Deum,  qui  omnia  fecit,  et  huius  filium  Iesum  Christum  annunciantes.  Fol.  173,  lit.  A.  Quoniam  neminem  alium  Deum  invocaverunt,  vel  Dominum  nominaverunt,  qui  veritatis  fuerunt  praedicatores,  et  apostoli  libertatis,  nisi  solum  verum  Deum  patrem  et  verbum  eius.  Fol  144,  lit.  A,  lib.  3,  cap.  6.  Per  filium  itaque,  qui  est  in  patre,  et  habet  in  se  patrem,  iis  quibus  est  manifestatus,  patre  testimonium  praebente  filio,  et  filio  annunciante  patrem.  Perpendenda  sunt  haec  verba:  Qui  est  in  patre,  et  habet  in  se  patrem.  Ex  lib.  4,  cap.  S,  fol.  211,  lit.  A.  Et  bene  qui  dixit,  ipsum  immensum  patrem  in  filio  mensuratum.  Mensura  enim  patris  filius,  quoniam  et  capit  eum.  [pag.  61]  Haec  verba  procul  dubio  patrem  essentiatorem  constituunt.  Fol  276,  lit.  A.  Unus  ergo  et  idem  Deus  pater,  qui  plantavit  vineam,