8:395  395  QUATRE  SERMONS.  396  plus  attentifs  a  l'escouter,  et  avec  une  plus  grande  reverence.  Quand  nous  penserions  qu'en  lisant  PEscripture  nous  sommes  a  l'eschole  des  Anges,  nous  aurions  bien  un  autre  soing  et  desir  a  nous  exercer  a  la  doctrine  qui  nous  est  proposee.  Nous  voyons  maintenant  quel  est  le  moyen  de  nous  preparer  a  souffrir  pour  l'Evangile,  a  scavoir,  que  nous  ayons  proufite  iusques  la  en  l'eschole  de  Dieu,  qu'estans  resolus  de  la  vraye  religion  et  de  la  doctrine  que  nous  debvons  tenir,  nous  puissions  despiter  toutes  cautelles  et  tromperies  de  satan,  et  toutes  inventionsjiumaines,  comme  choses  non  seulement  [f.  23]  frivoles,  mais  aussi  mauldicfces,  entant  qu'elles  corrompent  la  purete  Chrestienne:  et  qu'en  cela  nous  differions,  comme  vrais  martyrs  de  Iesus  Christ,  d'avec  les  accariastres  qui  souffrent  pour  leurs  folles  opinions.  Pour  le  second,  qu'estans  certains  de  la  bonne  cause,  nous  soyons  enflambez,  comme  il  appartient,  de  suyvre  Dieu  par  tout  ou  il  nous  appelle;  que  sa  parolle  ait  telle  authorite  envers  nous  comme  elle  merite,  et  qu'estans  retirez  de  ce  monde,  nous  soyons  comme  ravis  a  cercher  la  vie  celebte.  Mais  c'est  une  chose  plus  qu'estrange,  que  la  clarte  de  Dieu  luise  auiourd'huy  aussi  pleinement  que  iamais  elle  ait  faict,  et  qu'il  y  a  si  peu  de  zele  que  c'est  pitie.  Si  nous  ne  sommes  confus  de  honte,  tant  pis;  car  si  fauldra-il  venir  en  brief  devant  le  grand  Iuge,  ou  le  mal  que  nous  taschons  de  couvrir  sera  mis  en  avant  avec  tels  reproches,  qu'il  y  aura  bien  de  quoy  nous  abysmer  du  tout.  Car  si  nous  sommes  obligez  de  rendre  tesmoignage  a  Dieu  selon  la  mesure  de  la  cognoissance  qu'il  nous  a  donnee,  a  quoy  tient-il,  ie  vous  prie,  que  nous  sommes  si  froids  et  craintifs  a  entrer  au  combat,  veu  que  Dieu  s'est  tellement  manifeste  en  ce  temps-ci,  qu'on  peut  dire  qu'il  nous  a  ouvert  et  desploye  les  grans  thresors  de  ses  secrets?  Ne  fault-il  pas  bien  dire  que  nous  n'estimons  point  avoir  affaire  a  Dieu?  Car  si  nous  avions  quelque  regard  de  sa  maieste,  nous  n'oserions  pas  ainsi  tourner  la  doctrine  qui  procede  de  sa  bouche,  en  une  philosophie  ou  speculation  ie  ne  scay  quelle.  Brief,  il  n'y  a  nulle  excuse  que  ce  ne  nous  soit  une  grand'  honte,  voire  une  condamnation  horrible,  d'avoir  tant  cogneu  de  la  verite  de  Dieu,  et  avoir  eu  si  peu  de  courage  a  la  maintenir.  Sur  tout  quand  nous  regardons  aux  Martyrs  du  temps  passe,  nous  avons  bien  a  detester  la  vilennie  qui  est  en  nous.  Car  la  plus  grand  part  n'estoyent  pas  gens  fort  exercez  en  l'Escripture  saincte,  pour  bien  scavoir  disputer  de  toutes  choses.  Ils  cognoissoyent  qu'il  y  avoit  un  seul  Dieu,  lequel  on  debvoit  adorer  et  servir.  Item,  qu'ils  avoyent  este  rachetez  par  le  sang  de  Iesus  Christ,  a  fin  de  mettre  en  luy  et  en  sa  grace  la  fiance  de  leur  salut.  Et  puis,  que  tout  ce  qui  avoit  este  controuve  par  les  hommes