55:395  395  EPIST*  IACOBI  396  perfectam,  quae  est  libertatis,  et  permanserit,  hic  non  auditor  obliviosus,  sed  factor  operis,  beatus  in  opere  suo  erit.  26.  Si  quis  videtur  religiosus  esse  inter  vos,  nec  refraenat  linguam  suam,  sed  decipit  cor  suum:  huius  inanis  est  religio.  27.  Religio  pura  et  impolluta  coram  Deo  et  patre,  haec  est:  visitare  pupillos  et  viduas  in  afflictione  ipsorum,  immaculatum  servare  se  a  mundo��  22.  Estote  factores.  Factor  hic,  non  quemadmodum  ad  Romanos  cap.  2,  13,  eum  significat,  qui  legi  Dei  satisfacit,  omnique  ex  parte  eam  implet:  sed  qui  sermonem  Dei  ex  animo  amplectitur,  vitaque  testatur,  serio  se  credidisse,  iuxta  hanc  Christi  sententiam:  Beati  qui  audiunt  sermonem  Dei,  et  custodiunt  eum  (Luc.  l  l  ,  28).  Nam  hic  a  fructibus  declarat  quaenam  sit  illa  insitio  cuius  meminit.  Observandum  praeterea  est,  fidem  simul  cum  aliis  operibus  a  Iacobo  comprehendi,  imo  eam  in  primis  :  sicuti  praecipuum  opus  est  quod  a  nobis  Deus  exigit.  Summa  est,  dandam  esse  operam,  ut  radices  agat  in  nobis  verbum  Domini,  quo  postea  fructificet.  23.  Similis  est  homini.  Est  quidem  coelestis  doctrina  speculum,  in  quo  se  Deus  conspiciendum  nobis  offert:  sed  ita,  ut  in  eius  imaginem  transfiguremur,  sicut  ait  Paulus  2.  Corinth.  3,  18.  Hic  autem  de  externo  oculorum  coniectu  agitur,  non  de  viva  et  efficaci  contemplatione  quae  in  cor  ipsum  penetrat.  Elegans  similitudo,  qua  breviter  significat,  nihil  prodesse  quae  auditu  modo,  non  autem  interiore  cordis  affectu  percipitur  doctrina  :  quia  mox  evanescit.  25.  In  legem  perfectam.  Postquam  de  inani  speculatione  loquutus  est,  nunc  ad  penetrabilem  illum  intuitum  descendit  qui  nos  in  Dei  similitudinem  transformat.  Quia  autem  negotium  habet  cum  Iudaeis,  nomen  l  e  g  i  s  familiariter  illis  notum,  pro  universa  Dei  doctrina  usurpat.  Porro  cur  l  e  g  em  p  e  r  f  e  c  t  am  vocet,  ac  l  i  b  e  r  t  a  t  i  s  ,  non  assequuti  sunt  interpretes:  quia  antithesin  hic  notari  non  animadvertebant,  quae  ex  aliis  scripturae  locis  colligitur.  Quamdiu  externa  hominis  voce  praedicatur  lex,  non  autem  digito  aut  spiritu  Dei  inscribitur  in  corda,  mortua  litera  est,  ac  velut  corpus  exanime.  Mutilam  ergo  legem  censeri,  donec  corde  recipiatur,  mirum  non  est.  Eadem  et  servitutis  ratio.  Nam  (quemadmodum  ad  Galatas  cap.  4,  24,  docet  Paulus)  a  Christo  separata,  in  servitutem  generat:  et  quemadmodum  idem  ad  Rom.  8,  15,  tradit,  nihil  quam  diffidentia  et  metu  deiicere  nos  potest.  Spiritus  vero  regenerationis,  qui  eam  visceribus  nostris  insculpit,  adoptionis  gratiam  similiter  affert.  Perinde  ergo  hoc  valet  ac  si  dixisset  Iacobus,  Ne  amplius  servilis  sit  legis  institutio,  sed  vos  potius  in  libertatem  asserat:  ne  amplius  sit  paedagogus  tantum,  sed  ad  perfectionem  adducat:  eam