54:395  395  SERMON  II  396  mis  le  mot  D'esperance:  et  puis  il  met,  Que  les  choses  nous  sont  maintenant  monstrees,  et  que  Dieu  les  a  mises  comme  devant  nos  yeux.  Or  cela  s'accorde  aisement,  d'autant  qu'il  y  a  trois  degrez  a  considerer.  Le  premier,  c'est  la  condition  en  laquelle  les  Peres  ont  vescu  sous  la  Loy.  Gar  ils  ont  bien  eu  tesmoignage  de  la  misericorde  de  Dieu,  et  qu'il  leur  vouloit  estre  pitoyable,  et  ont  aussi  attendu  le  salut  qui  leur  estoit  promis  :  mais  cependant  ils  ont  este  en  ombrage,  ils  ont  regarde  les  choses  de  loin  (comme  l'Escriture  en  parle),  car  aussi  ils  avoyent  le  voile  devant  leurs  yeux,  qui  les  empeschoit  de  veoir  ce  qu'auiourduy  Dieu  nous  a  manifeste,  voire  en  vertu  de  la  promesse  dont  parle  sainct  Paul.  Et  ainsi  il  nous  est  remonstre  qu'il  nous  faut  tousiours  en  patience  remettre  nostre  salut  entre  les  mains  de  Dieu:  comme  aussi  nous  en  sommes  admonestez  par  l'Apostre,  Hebr.  l  l  ,  Vous  ne  pouvez  avoir  la  foy  sinon  en  vous  appuyant  sur  les  promesses  de  la  vie  a  venir.  Car  en  ce  monde  nous  n'avons  point  nostre  repos.  Oar  qu'estce  de  ceste  vie  sinon  un  pelerinage  qui  continue  iusques  en  la  fin?  Nous  avons  donc  les  promesses,  et  par  consequent  nous  ne  voyons  encores  que  par  un  miroir,  et  en  obscurite.  Voila  comme  sainct  Paul  en  parle  aux  Galatiens.  Mais  si  est-ce  qu'au  prix  des  Peres  qui  ont  vescu  sous  la  Loy,  nous  avons  la  substance  et  la  verite,  qu'elle  nous  est  toute  patente:  car  en  nostre  Seigneur  Iesus  Christ  nous  avons  la  perfection  et  l'accomplissement  de  toutes  les  choses  qui  estoyent  requises  a  nostre  salut.  Sommes-nou8  espovantez,  d'autant  que  nous  sommes  pecheurs?  Nous  trouverons  la  iustice  au  Fils  de  Dieu.  Nostre  ignorance  nous  trouble-elle  ?  Il  est  donne  pour  sagesse  a  tout  le  monde.  Somni  es-n  ous  captifs  et  esclaves  de  Satan?  Nous  avons  nostre  rancon  en  luy.  Sommes-nous  pollus  et  souillez?  Il  nous  sanctifie.  Sommes-nous  debiles?  Il  est  la  vertu  de  Dieu  pour  nous  fortifier.  Ne  voyons-nous  en  nous  qu'ordure?  Il  est  la  fontaine  de  purete.  Apres,  n'avons-nous  que  mort?  Il  est  la  vie:  et  mesmes  il  en  a  la  maistrise,  car  il  Ja  vaincu  la  mort.  Yoila  donc  les  choses  que  les  Peres  ont  esperees  et  attendues,  qui  nous  sont  auiourd'huy  donnees  en  la  personne  de  nostre  Seigneur  Iesus  Christ.  Or  il  est  vray  que  nous  n'en  avons  point  encores  le  fruict  ni  la  iouissance  en  nous:  mais  si  nous  faisons  comparaison  de  ce  que  les  Peres  ont  eu,  nous  avons  beaucoup  plus  qu'eux.  Ainsi  donc  ce  n'est  poinct  sans  cause  que  sainct  Paul  dit  que  Dieu  nous  a  revele  auiourd'huy  ce  que  les  Peres  ont  attendu,  a  cause  de  la  promesse  qui  les  tenoit  la  comme  en  suspens.  Or  le  troisieme  degre  est  la  perfection  qui  sera  au  dernier  iour,  quand  nous  serons  recueillis  avec  les  Peres  anciens:  et  alors  il  n'y  aura  plus  de  foy.