47:395  395  IN  EVANGELIUM  IOANNIS  396  demus.  Fiet  interdum  ut  nobis  arrideant  principia,  sed  tandem  dabimus  temeritatis  nostrae  poenas.  Sit  igitur  fundamentum  omnium  quae  aggredimur  obedientia.  Monemur  etiam,  quibus  causam  Christi  agere  propositum  est,  non  semper  ita  dextre  se  gerere,  quin  aliquid  vitii  obrepat:  quo  magis  sollicite  rogandus  est  nobis  Dominus,  ut  nos  in  singulis  actionibus  gubernet  spiritu  prudentiae.  11.  Mitte  gladium  tuum.  Hoc  praecepto  improbat  Christus  factum  Petri.  Notanda  autem  ratio  est:  quia  privato  homini  non  licuit  contra  eos  insurgere,  qui  publica  autoritate  instructi  erant.  Nam  id  ex  reliquis  tribus  colligi  potest,  a  quibus  refertur  generalis  Christi  sententia:  Qui  gladio  percusserit,  gladio  peribit.  Cavendum  ergo,  ne  vi  et  armis  repellere  conemur  hostes  nostros,  etiam  qui  iniuste  nos  lacessunt,  nisi  quantum  permittunt  leges  ac  ius  publicum.  Nam  quisquis  se  ultra  vocationis  suae  metas  ingerit,  etiamsi  plausum  reportet  a  toto  mundo,  factum  suum  Deo  nunquam  probabit.  Calicem  quem  dedit.  Videtur  specialis  haec  esse  ratio,  quod  Christum  obmutescere  oportuit,  ut  instar  agni  duceretur  ad  victimam.  Pertinet  tamen  ad  exemplum,  quoniam  eadem  a  nobis  omnibus  tolerantia  exigitur.  Afflictiones  potionibus  comparat  scriptura:  perinde  enim  ac  paterfamilias  cibum  et  potum  filiis  ac  domesticis  suis  distribuit,  ita  hoc  iuris  in  nos  habet  Deus,  ut  singulos  tractet  prout  visum  est  :  sive  autem  prosperis  rebus  nos  exhilarat,  sive  adversis  humiliat,  propinare  dicitur  suavem  vel  amarum  potum.  Christo  haec  destinata  erat  potio,  ut  mortem  crucis  pro  mundi  reconciliatione  obiret.  Dicit  ergo  bibendum  sibi  esse  calicem,  quem  pater  admensus  est  ac  porrexit.  Eodem  modo  et  nos  ad  crucis  tolerantiam  compositos  esse  oportet.  Neque  tamen  audiendi  sunt  fanatici  homines,  qui  morbis  et  aliis  quibuslibet  malis  quaerenda  esse  remedia  negant,  ne  respuamus  porrectum  a  Deo  calicem.  Quia  semel  nobis  moriendum  esse  scimus,  paratos  ad  mortem  esse  convenit:  quia  autem  mortis  tempus  nobis  est  incognitum,  ordinatis  a  se  ipso  subsidiis  Dominus  vitam  nostram  tueri  nobis  permittit.  Ferendi  patienter  morbi,  quamlibet  carni  nostrae  graves  sint:  quamdiu  tamen  nondum  constat  letales  esse,  quaerenda  est  levatio.  Tantum  cavendum  est,  ne  quid  tentemus  nisi  quod  per  verbum  Dei  licet.  Denique,  modo  semper  fixurn^  istud  in  cordibus  nostris  maneat,  ut  Domini  voluntas  fiat,  calicem  ab  eo  datum  bibere  non  desinimus,  liberationem  a  malis  quibus  urgemur  quaerendo.  12.  Tunc  cohors  et  tribunus.  Posset  videri  absurdum  quod  Christus,  qui  voce  sua  milites  prostravit,  nunc  capi  se  patitur.  Nam  si  volebat  tandem  hostibus  se  permittere,  quorsum  opus  fuit  edere  tale  miraculum?  Terum  ostensio  divinae  potentiae  dupliciter  profuit.  Valet  enim  ad  tollendum  offen-