41:395  395  SERMON  VII.  396  est  certain  que  s'ils  pouvoient  venir  a  cette  connoissance  la,  ils  ne  seroient  point  si  effrontes,  comme  ils  sont  pour  se  venir  lever  a  l'encontre  de  Dieu.  Il  ne  faut  point  doncques  que  les  hommes  connoissent  rien  de  Dieu,  quand  ils  s'eslevent  iusques  la,  pour  dire,  nous  serons  exaltes  et  honores,  et  ce  pendant  Dieu  ne  sera  rien,  quand  nous  parlerons,  il  se  taira,  quand  nous  aurons  establi  nostre  autorite,  il  ne  faudra  plus  que  Dieu  domine,  voila  ou  en  viennent  ces  meschans,  et  c'est  auiourd'hui  le  semblable.  Mais  c'est  pitie  que  les  princes  sont  si  aveugles,  de  ne  pas  veoir,  que  s'ils  veulent  que  leur  autorite  soit  bien  establie,  il  faut  que  Dieu  soit  par  dessus  eux,  car  que  sont  ils  quand  tout  sera  bien  compte?  la  plus  grande  autorite  que  puissent  avoir  les  Roys  de  ce  monde,  n'est  ce  point  qu'ils  soient  serviteurs  de  Dieu,  qu'ils  soient  comme  ses  officiers?  Or  si  ainsi  est,  il  faut  qu'ils  soient  comme  subalternes,  qu'ils  s'humilient  sous  luy.  Or  si  un  prince  se  veut  destourner  de  Dieu,  et  s'exempter  de  sa  subiection,  qu'il  ne  se  contente  point  de  cette  simplicite  la,  pour  dire  ie  suis  Pofficier  de  Dieu,  quand  viendra  il  la  dessus?  il  n'est  pas  digne  d'estre  accomparage  a  un  poulx,  a  un  ver,  ou  quelque  autre  vermine,  car  les  poulx  sont  encores  creatures  de  Dieu,  et  voila  un  vilain  qui  avoit  este  institue  de  Dieu,  pour  estre  son  lieutenant,  et  toutesfois  il  se  mocque  de  son  prince  souverain,  il  le  va  mettre  en  oubli,  n'est  il  pas  digne  qu'on  luy  crache  au  visage?  il  est  bien  certain,  car  il  est  plus  detestable  que  toutes  les  creatures  du  monde.  Et  toutesfois  les  princes  sont  enivres  iusques  la,  ou  plustost  ensorceles,  qu'ils  estiment,  qu'ils  ne  peuvent  avoir  ce  qu'il  leur  appartient,  sinon  que  Dieu  soit  abaisse,  et  qu'ils  ne  soient  plus  estimes  comme  hommes  mortels,  mais  qu'on  en  face  des  idoles.  Il  faut  dire  qu'il  y  ha  en  eux  une  merveilleuse  efficace  de  Sathan,  quand  il  leur  creva  ainsi  les  yeux,  et  d'autant  plus  les  princes  doivent  estre  advertis  de  se  recommander  a  Dieu,  sinon  qu'ils  connoissent  qu'elle  est  leur  dignite  pour  n'en  point  abuser,  pource  que  Dieu  domine  par  dessus  eux.  Voila  quelle  est  la  principaute  souveraine,  et  faut  qu'ils  apprennent  de  luy  faire  hommage  comme  ils  en  sont  exhortes  au  pseaume,  a  scavoir  qu'ils  baisent  la  main  de  nostre  seigneur  Iesus  Christ,  pour  dominer  en  son  nom,  et  pour  monstrer  qu'il  faut  qu'ils  luy  soient  assuiettis.  Voila  doncques  ce  que  doivent  faire  les  princes  de  leur  coste,  voiant  qu'il  y  ha  une  telle  folie  en  l'esprit  humain  que  iamais  il  ne  se  contentera,  qu'il  ne  monte  par  dessus  les  nues,  que  l'ambition  est  une  beste  enragee,  qui  transporte  les  hommes.  Que  les  princes  se  regardent,  ils  seront  tousiours  enclines  a  un  tel  vice,  si  ce  n'est  que  Dieu  les  guide  par  son  sainct  Esprit.  Et  pourtant  ils  ont  bien  occasion  de  prier  Dieu,  qu'il  ne  permette