9:394  cum  venia  vestra  addam,  hanc  solam  distinctionem  satis  esse  ad  probandam  veram  trinitatem  adversum  omnes  haereticos  et  infideles.  Praeterea  universa  scriptura  est  adeo  aperta,  ac  ubique  sibi  similis,  ut  nullus  fuci  faciendi  locus  haereticis  amplius  relictus  sit.  Quam  quidem  distinctionem,  ut  tenacius  cunctis  haereat,  visum  est  hisce  exemplis  quasi  quadam  in  tabella  spectandam  omnibus  proponere  :  Pater  verbi  est  Deus  Israel.  Verbum  est  Deus  Israel.  Hae  propositiones  ambae  verae  sunt,  sed  conversiones  non  ambae.  Si  quidem:  Deus  Israel  est  pater  Verbi,  vera  est,  non  autem:  Deus  Israel  est  verbum.  Propterea  quod  verbum  filiationem  et  essentiam  designat.  Deus  autem  essentiam  tantum,  ut  pater.  Quod  ignorans  Sabellius,  confundit  omnia,  terram  mari  mareque  coelo  permiscens.  Quamobrem,  optimi  viri  Dei,  innocentiam  meam  etiam  atque  etiam  vobis  commendo.  Equidem  in  tam  optima  causa  nullum  alium  iudicem  quaero,  praeterquam  ipsam  trinitatem,  vosque  etiam  omnes.  Quomodo  enim  qui  verbo  Dei  nitor,  ministrorum  fidelium  verbi  Dei  iudicium  recusabo?  [pag.  58]  Vestrum  igiturerit,  de  quaestione  tam  seria  sententiam  ferre.  Equidem  polliceor  me  (modo  personas  quas  sustinetis,  optima  fide  referatis)  ne  latum  quidem  unguem  a  vestra  sen"  tentia  discessurum.  Valete  viri  Dei  omnes  in  Domino,  et  me  vestris  precibus  sedulo  iuvate,  ipsumque  dominum  Calvinum  aequiorem,  si  pote  est,  mihi  reddite.  Datum  e  carceribus.  Ego  qui  supra,  Valentinus  Gentilis,  manu  propria.  Dominus  Philippus  Melanchthon,  vir  nunquam  satis  laudatus,  fol.  53.  Locorum  communium,  de  spiritu  sancto  agens:  Necesse  est,  inquit,  personam  esse  distinctam,  quae  est  aliquid  Dei.  Quae  definitio,  meo  quidem  iudicio,  ut  maxime  convenit  filio  et  spiritui  sancto,  ita  plurimum  abhorret  a  patre.  Persona  enim  sive  proprietas  patris  non  est  aliquid  Dei,  sed  est  ipse  unicus  Deus,  ipsamet  essentia:  veluti  quum  ipse  Deus  dicit  (Ioel  3)  ;  Effundam  de  spiritu  meo  super  omnem  carnem.  Nam  sicut  passim  legere  est  in  scripturis  sacris:  spiritus  Dei,  Christus  Dei,  verbum  Dei,  sermo  erat  apud  patrem:  ita  nusquam  legitur:  pater  Dei,  pater  erat  apud  Deum.  Quare  recte  ab  Irenaeo  et  Tertulliano  per  patrem  seu  patris  [pag.  59J  personam  ubique  unicus  ille  Deus  atque  essentia  ipsa  designatur',  ut  in  sequentibus  sententiis  licebit  animadvertere.  EX  IRENAEO.  Ex  libro  primo,  fol.  47,  lit.  A.  Hic  qui  Deus  est  Abraham,  Deus  Isaac  et  Deus  Iacob,  super  quem  alius  Deus  non  est,  neque  initium,