47:394  tis  tentationibus  fidem  nostram  probet,  nunquam  tamen  nos  in  ultima  discrimina  venturos,  quin  robur  simul  ad  vincendum  suppeditet.  Et  sane  videmus  ut  subinde  nostrae  infirmitati  indulgeat,  quando  tot  Satanae  et  impiorum  conatus  occursu  suo  procul  repellit:  quia  nos  impares  et  nondum  maturos  videt.  Denique  suos  nunquam  producit  ad  certamen  nisi  bene  instructos,  ut  etiam  pereundo  non  pereant,  quia  lucrum  illis  paratum  est  tam  in  morte  quam  in  vita.  10.  Simon  ergo  Petrus  habens  gladium,  eduxit  eum  et  percussit  pontificis  servum  et  abscidit  auriculam  eius  dextram.  Erat  autem  nomen  servo  Malchus.  l  l  .  Dixit  itaque  Iesus  Petto:  Mitte  gladium  tuum  in  vaginam:  calicem,  quem  dedit  mihi  pater,  non  vis  ut  bibam  ipsum  ?  12.  Tunc  cohors  et  tribunus  et  ministri  Iudaeorum  comprehenderunt  Iesum  et  ligaverunt  eum.  13.  Et  abduxerunt  eum  ad  Annam  primum.  Erat  enim  socer  Gaiphae,  qui  erat  pontifex  anni  illius.  14.  Erat  autem  Caiphas,  qui  consilium  dederat  Iudaeis  quod  expediret  unum  hominem  mori  pro  populo.  10.  Simon  ergo  Petrus.  Nunc  stultus  Petri  zelus  describitur,  qui  magistrum  aliter  quam  licebat  defendere  conatus  est.  Animose  quidem  et  fortiter  magnum  discrimen  pro  Christo  subit,  sed  quia  non  respicit,  quid  ferat  sua  vocatio,  et  quid  Deus  permittat,  adeo  nihil  laudis  meretur  eius  factum,  ut  graviter  a  Christo  reprehendatur.  Caeterum  in  persona  Petri  sciamus  damnari  a  Christo  quidquid  suo  arbitrio  tentare  audent  homines.  Quae  doctrina  imprimis  notatu  digna  est:  nihil  enim  magis  vulgare  quam  zeli  praetextu  tueri  quidquid  facimus,  quasi  vero  nihil  intersit,  probetur  Deo  necne  quod  homines  rectum  putant,  quorum  tota  prudentia  mera  est  vanitas.  In  Petri  zelo  si  nihil  vitiosum  cerneremus,  hoc  tamen  uno  contentos  esse  deceret,  quod  Christus  sibi  non  placere  pronuntiat.  Atqui  videmus  per  eum  non  stetisse,  quin  Christus  a  morte  revocaretur  et  eius  nomen  perpetuae  infamiae  obnoxium  foret.  Quod  enim  vim  infert  tribuno  et  militibus,  in  eo  latronis  more  grassatur,  quia  potestati  resistit  a  Deo  ordinatae.  Quum  iam  plus  satis  exosus  esset  Christus  mundo,  potuit  unum  hoc  facinus  colorem  omnibus  calumniis  dare,  quibus  eum  hostes  falso  gravabant.  Deinde  hoc  nimis  praeposterum  est,  quod  fidem  suam  vult  probare  gladio  et  non  potest  liDgua.  Quum  vocatur  ad  confessionem  negat,  nunc  magistri  iniussu  tumultuatur,  quare  nos  tam  insigni  exemplo  moniti  zelum  nostrum  moderari  discamus.  Et  quoniam  ad  audendum  plus  quam  Deus  mandat  semper  prurit  carnis  nostrae  lascivia,  sciamus  zelum  nostrum  male  cessurum,  quoties  ultra  Dei  verbum  quidquam  au-