9:393  393  VALENTINI  GENTILIS.  394  stare.  Quamobrem  etiam  atque  etiam  viderint  pii  ecclesiarum  pastores,  ne  hac  in  parte  sophistarum  errorem  sequantur,  qui  patrem  negant  et  verbum.  Negant  enim  patrem,  [pag.  55]  dum  non  ipsum  essentiatorem  dicunt,  sed  personam  in  essentia  fingunt:  et  negant  verbum,  dum  personae  fictitiae  filium  credunt,  non  autem  unici  ac  veri  Dei  omnium  conditoris,  dando  illis  quae  non  sunt,  auferendo  quae  sunt.  Quis  est  qui  vincit  mundum  (clamat  dilectus  ille)  nisi  qui  credit  quod  Iesus  est  filius  Dei?  qui  vero  confessus  fuerit  Christum  filium  Dei  (Dei,  inquam,  non  autem  personae)  Deus  in  Ulo  manet,  et  ipse  in  Deo.  Nos  credimus  testimonium  Dei,  quo  testatus  est  de  filio  suo.  Qui  filium  non  habet,  nec  vitam  habet.  Non  habet  autem  filium,  qui  eum  negat  esse  filium  illius  invisibilis  patris,  qui  est  solus  et  verus  Deus.  Quaeritur  :  Utrum  unicus  ille  Deus  Israel  fuerit  semper  pater  necne?  Qui  negat  Ulum  vel  tantillum  temporis  patrem  non  fuisse,  et  Deum  mutabilem  facit,  et  in  familiam  Arii  migrat.  Fuit  igitur  semper  pater:  sed  cuius  fuit  pater,  nisi  verbi?  Item  quaeritur  :  Ubi  ait  apostolus  :  quum  autem  venit  plenitudo  temporis,  misit  Deus  filium  suum:  quisnam  Deus  filium  suum  miserit?  Illene  qui  est  Deus  legis  et  prophetarum,  an  illa  persona  sophistica?  Mitto  multas  alias  ratiocinationes  et  innumeras  fere  absurditates,  quas  longum  esset  recensere.  Haec  pauca  attigi  tantum,  ut  intelligeretis  veritatem  ipsam  et  universam  scripturam  a  me  stare.  Unum  illud  [pag.  56]  addam,  optimi  viri  Dei,  me  ob  nullam  aliam  causam  persequutionem  pati,  quam  quod  constanter  affirmem  Christum  esse  filium  illius  unici  Dei  Israel,  Dei,  inquam,  Abraham,  Isaac  et  Iacob.  Quasi  vos  non  idem  et  sentiatis,  et  quotidie  concionemini;  imprimisque  dominus  Raymundus,  qui  nunquam  non  in  divinis  suis  concionibus  hanc  sententiam  inculcat  Sed  ne  quis  existimet  me  aliquid  detrahere  aeternae  maiestati  filii  Dei,  testatum  omnibus  facio,  me  Ulum,  exceptis  proprietatibus  sive  distinctionibus,  aequalem  patri  facere.  Pater  enim  est  solus  verus  Deus:  Christus  autem  est  filius  simul  et  verus  Deus:  neque  tamen  duo  dii,  sed  unus  idemque  Deus.  Habet  enim  Christus  unam  eandemque  essentiam  cum  patre.  Vestrum  esto  nunc  iudicium,  optimi  viri  Dei,  an  haec  mea  sententia  Arium  sapiat,  aut  Servetum,  ut  adversarii  cavillantur.  Mihi  quidem  illi  certe  potius  videntur  vana  Serveti  somnia  sectari,  qui  asserunt  Christum  esse  filium  nescio  cuius  personae  phantasticae,  scripturis  sacris  prorsus  incognitae.  Praeterea  hanc  meam  sententiam  delirium  appellat  dominus  Calvinus.  Utinam  veteres  doctores  sic  delirassent!  Nunquam  enim  tantas  tenebras  offudissent  hominum  mentibus.  Sed  non  est  meum  de  me  dicere.  Si  vera  sunt  quae  vobis  propono,  soli  Deo  laudes  debentur,  non  mihi,  qui  nunquam  [pag.  57]  talia  odoratus  essem,  nisi  a  Deo  didicissem.  Illud  unum  bona