54:393  393  SUR  L'EPITRE  A  TITE.  394  si  faut-il  quoy  qu'il  en  soit,  que  nous  soyons  tout  asseurez  de  ce  qui  nous  est  cache,  quand  nous  oyons  que  Dieu  parle,  encores  que  nous  ne  le  concevions  point  de  nostre  sens  naturel.  Et  ainsi  recourons  a  ceste  esperance  dont  parle  ici  sainct  Paul.  Et  combien  que  nous  n'ayons  point  veu  l'heritage  qni  nous  attend,  que  nous  ne  laissions  pas  de  l'aimer,  voire  d'une  affection  ardente,  que  nous  soyons  la  ravis,  que  les  choses  de  ce  monde  nous  soyent  comme  menus  fatras,  scachant  que  non  seulement  elles  nous  destournent  de  marcher  au  salut  que  Dieu  nous  presente,  et  que  ce  sont  des  appasts  pour  nous  aliecher,  et  nous  retenir  ici  bas,  mais  que  c'est  aussi  pour  nous  perdre  et  ruiner  du  tout  quand  nous  sommes  ainsi  enveloppez  au  monde,  et  pour  nous  insecter  d'une  poison  mortelle.  Voila  donc  comme  nous  avons  a  prattiquer  ce  mot,  quand  sainct  Paul  dit  qu'il  est  serviteur  de  Dieu,  voire  selon  l'esperance  de  la  vie  eternelle.  Comme  aussi  il  loue  les  Colossiens,  voire  pour  leur  charite  et  affection  qu'ils  ont  envers  Dieu,  a  cause  de  l'esperance  qui  leur  est  apprestee  au  ciel,  et  monstre  que  les  fideles  prenent  courage  de  servir  a  Dieu,  de  travailler  a  bonnes  oeuvres,  et  de  batailler  contre  toutes  difficultez,  quand  ils  se  proposent  cest  heritage  qui  leur  est  appreste  au  ciel,  et  qu'ils  y  regardent,  et  qu'ils  se  tienent  la.  C'est  ce  qu'il  veut  aussi  dire  en  ce  passage.  Or  d'autant  que  les  hommes  cherchent  tousiours  ce  qui  leur  est  le  plus  prochain,  et  s'ils  ne  cognoissent  une  chose,  ils  ne  peuvent  elever  leurs  esprits  pour  la  contempler,  sainct  Paul  pour  corriger  un  tel  vice,  nous  rameine  a  la  promesse  de  Dieu:  comme  s'il  disoit,  Mes  amis,  il  est  vray  que  quand  on  nous  parle  du  royaume  celeste,  c'est  une  chose  qui  surmonte  tous  nos  sens,  cela  est  trop  haut  et  trop  profond  :  mais  si  ne  faut-il  pas  que  nous  laissions  pourtant  d'y  aspirer.  Et  pourquoy?  Car  nous  avons  un  bon  garent  :  voici  Dieu  (dit-il)  qui  nous  Ta  promis,  voire  Dieu  qui  ne  peut  mentir.  Nous  voyons  comme  ces  choses  s'entretienent,  et  que  nous  sommes  ici  retirez  de  toutes  creatures,  pource  que  nostre  foy  ne  seroit  pas  ferme  si  elle  s'adressoit  aux  hommes,  ou  a  rien  qui  soit  au  monde.  Il  faut  qu'un  tel  renouvellement  nous  soit  certain,  et  que  nous  demeurions  la  fermes,  et  que  nous  y  soyons  du  tout  retenus.  Et  cependant  faisons  a  Dieu  l'honneur  qu'il  merite:  c'est  que  nous  le  separions  du  rang  des  hommes:  comme  mesmes  nous  voyons  que  ce  faux  prophete  Balaam,  qui  s'estoit  loue  et  vendu  pour  mentir,  si  est-ce  qu'encores  est-il  contraint  de  dire  verite,  comme  un  mal-faiteur  a  la  torture:  Dieu,  dit-il,  n'est  point  semblable  aux  hommes.  Et  qui  est-ce  qui  parle  ainsi?  C'est  un  trompeur,  un  meschant  qui  ne  demande  qu'a  pervertir  l'honneur  de  Dieu,  et  le  salut  de  l'Eglise.