47:393  393  CAPUT  XVIII.  394  7.  Bursum  ergo  eos  interrogavit:  Quem  quaeritis?  Illi  autem  dixerunt:  Iesum  Nazarenum.  8.  Bespondit  Iesus:  Dixi  vobis,  quod  ego  sum:  si  ergo  me  quaeritis^  sinite  hos  abire.  9.  Ut  impleretur  sermo,  quem  dixerat:  Ex  his,  quos  dedisti  mihi,  non  perdidi  quenquam.  7.  Bursum  ergo  eos  interrogavit  Hinc  apparet  quid  valeat  excaecatio,  qua  percutit  Deus  impiorum  mentes,  et  quamJhorribilis  sit  eorum  stupor,  postquam  iusto  Dei  iudicio  fascinati  sunt  a  Satana.  Boves  et  asini,  si  cadant,  sensu  aliquo  tanguntur:  isti  divinam  Christi  potentiam  manifeste  experti  non  minus  secure  pergunt  quam  si  ne  hominis  quidem  umbram  in  eo  vidissent,  imo  Iudas  ipse  non  movetur.  Discamus  igitur  metuere  Dei  iudicium,  quo  reprobi  in  manum  Satanae  permissi  magis  obstupefiunt  quam  brutae  pecudes.  Nec  dubium  est,  quin  Satan  vesano  eos  impetu  rapuerit  ad  tam  supinam  audaciam.  Nulla  enim  phrenesis  est,  quae  tam  violenter  hominem  praecipitet,  ut  talis  excaecatio.  Nam  perinde  adversus  Deum  ruunt  impii,  postquam  coniecti  sunt  in  sensum  reprobum,  ac  si  cum  musca  tantum  negotium  esset.  Sentiunt  quidem  eius  potentiam,  sed  non  ut  flectantur.  Centies  enim  potius  frangi  continget  quam  ut  cedant.  Denique  sua  illis  malitia  velum  est,  ne  ad  Dei  lumen  attendant:  obstinatio  plus  quam  lapideos  reddit,  ne  unquam  patiantur  se  domari.  8.  Dixi  vobis  quod  ego  sum.  Hic  videmus,  ut  non  tantum  sponte  mortem  subeat  filius  Dei,  ut  sua  obedientia  transgressiones  nostras  deleat,  sed  etiam  ut  boni  pastoris  officio  ad  gregem  suum  protegendum  fungatur.  Videt  luporum  insultum,  non  exspectat  donec  perveniant  usque  ad  oves,  quibus  datus  est  custos,  sed  mature  se  opponit.  Quare  non  dubitemus,  quoties  in  nos  insilient  vel  impii  homines  vel  diaboli,  quin  praesto  nobis  sit  idem  auxilium.  Interea  suo  exemplo  pastoribus  regulam  Christus  praescripsit  quam  sequantur,  si  munus  suum  rite  implere  volunt.  9.  Non  perdidi  quenquam.  Videtur  haec  sententia  intempestive  adduci,  quae  ad  animas  pertinet  potius  quam  ad  corpora.  Neque  enim  Christus  incolumes  usque  ad  extremum  servavit  apostolos,  sed  hoc  praestitit  ut  inter  assidua  pericula,  et  demum  in  media  morte,  tamen  in  tuto  esset  aeterna  eorum  salus.  Respondeo,  evangelistam  non  simpliciter  de  corporali  eorum  vita  loqui,  sed  hoc  potius  velle,  quod  Christus  illis  ad  tempus  parcens  aeternae  eorum  saluti  consuluerit.  Consideremus,  quanta  adhuc  fuerit  illorum  imbecillitas:  quid  facturos  putamus  fuisse,  si  ad  vivum  examinati  essent?  Quum  ergo  noluit  eos  Christus  supra  vires  quas  dederat  ipsis  tentari,  ab  aeterno  exitio  eripuit.  Atque  hinc  colligere  generalem  doctrinam  licet:  quamvis  mul-