41:393  393  SUR  LE  VI.  CHAP.  DE  DANIEL.  394  princes  qui  ont  espie  Daniel,  le  trouverent  priant  et  faisant  supplication,  vers  son  Dieu,  pourtant  ils  allerent  au  Roy  et  luy  dirent:  n'as  tu  pas  escrit  le  decret,  que  tout  homme  qui  feroit  requeste  a  quelque  Dieu  ou  homme  iusques  a  trente  iours,  sinon  a  toy,  qu'il  seroit  iette  en  la  fosse  des  lions?  Et  le  Roy  respondit  que  la  chose  estoit  veritable,  et  les  princes  luy  dirent,  que  ce  Daniel,  qui  estoit  des  fils  de  la  captivite  de  Iuda,  n'avoit  tenu  compte  de  luy,  d'autant  qu'il  avoit  transgresse  cet  edict.  Or  le  Roy  Darius  aimant  Daniel,,  eut  bien  voulu  le  sauver,  il  est  dit  qu'il  fut  fasche,  voire  et  qu'il  barguigna  iusqu'au  vespre,  pour  faire  que  Daniel  fust  espargne,  mais  il  n'en  peut  venir  a  bout,  car  les  princes  luy  dirent,  ne  scais  tu  pas  que  la  Loy  des  Perseens  et  Medeens  est  telle,  que  si  un  homme  a  failli  qu'il  soit  puni?  et  si  tu  pardonnes  a  cestui  ci,  qui  est  un  pauvre  captif,  un  esclave,  tu  perdras  tout  ton  credit,  chascun  se  mocquera  de  toy,  et  ni  aura  plus  d'authorite  en  ta  personne,  il  faut  donques  que  cet  homme  ci  soit  puni.  Voila  donques  comme  ces  princes  sollicitoient  le  Roy  Darius,  de  faire  mourir  Daniel,  tellement  qu'a  la  fin  il  est  vaincu,  et  Daniel  iette  en  la  fosse  des  lions.  Cependant  si  est  ce  qu'il  luy  dit,  Daniel,  le  Dieu  auquel  tu  as  tousiours  servi  te  delivrera,  comme  s'il  disoit,  ie  ne  te  puis  sauver,  et  ni  a  nul  moien  selon  les  hommes,  que  puisse  trouver  pour  te  delivrer,  mais  ie  te  remets  entre  les  mains  de  ton  Dieu,  lequel  est  asses  puissant,  pour  fermer  la  gueulle  des  lions,  qu'ils  ne  te  puissent  nuire.  Ie  te  remets  doncques  la,  puis  que  ie  n'ay  nulle  puissance  de  te  sauver  la  vie.  Or  il  nous  faut  bien  noter  tous  les  poincts  qui  sont  contenus  en  cette  histoire.  Car  en  premier  lieu,  nous  voions  la  malice  de  ceux  qui  espioient  Daniel,  ainsi  que  desia  nous  avons  traitte  par  ci  devant,  mais  voici  encores  une  cautelle  plus  pernitieuse  que  toutes  les  autres,  qu'ils  mettent  en  avant,  quand  ils  alleguent,  que  la  loy  des  Medeens  et  Perseens  doit  estre  tellement  observee,  que  ce  soit  une  chose  immuable,  il  est  vray  que  les  loix  se  doivent  observer,  ou  autrement  il  ni  aura  que  confusion  entre  les  hommes.  Il  vaudroit  beaucoup  mieux  ne  faire  nulles  loix,  que  de  souffrir  qu'on  face  tout  au  contraire  de  ce  qui  aura  este  deffendu.  Car  s'il  ni  a  nulle  loy,  on  dira,  et  bien  voila  un  lieu  qui  est  mal  police,  mais  quand  une  loy  se  fait,  et  que  puis  apres  on  n'en  tient  compte,  on  dira  qu'il  ni  a  nulle  autorite  aux  princes  et  aux  magistrats,  qu'ils  scavent  bien  que  leurs  loix  ne  sont  point  observees,  et  toutesfois  qu'ils  n'en  font  nulle  punition.  Voila  ce  qu'on  dira,  et  a  bon  droit.  Et  ainsi  doncques  il  vaudroit  beaucoup  mieux,  qu'il  ni  eust  point  de  loy  en  un  lieu,  que  d'en  avoir  et  qu'elle  fut  foulee  aux  pieds,  et  qu'on  n'en  fut  puni  nullement.  Mais  il  est  ici  question  de  scavoir,  si