32:393  393  PSALMUS  CXLI.  394  cide  et  cum  silentio  devorent  iniurias  :  non  frustra  optat  David  claustris  os  suum  et  custodia  obserari,  adeoque  ostium  oris  sui  clausum  teneri  a  Deo,  sicuti  ianitor  ingressus  et  egressus  observat:  si  quidem  rnXI  verbum  est  imperativi  modi  potius  quam  nomen.  Secundo  adiungit,  ne  Deus  cor  ipsius  inclinet  ad  rem  malam.  ^  1  enim,  ut  saepe  alias,  pro  negotio  hic  ponitur.  Et  mentem  suam  continuo  post  declarat,  ne  scilicet  maleficiis  certando  similis  hostibus  suis  reddatur.  Hoc  Davidis  consilium  si  probe  expendisset  monachus  ille  cuius  mentio  fit  apud  Eusebium,  non  tam  insipide  silentio  totius  septennii  putasset  se  perfunctum  esse  optimi  discipuli  partibus.  Quum  audiret,  rarae  esse  virtutis  linguam  compescere,  contulit  se  in  remotam  solitudinem:  nec  ad  magistrum  reversus  est  nisi  post  septem  annos,  tunc  vero  rogatus  de  causa  morae,  se  meditatum  esse  respondit  quod  didicerat  ex  hoc  versu.  Sed  rogandus  simul  erat  an  nihil  interea  cogitasset.  Cohaerent  enim  inter  se  ista  duo,  taciturnum  esse,  et  immunem  a  pravis  cogitationibus.  Atqui  fieri  potuit,  ut  tacendo  multas  secum  impias  cogitationes  agitaverit:  quod  deterius  est  quam  futiliter  obloqui.  Crassum  hoc  delirium  breviter  attingere  placuit,  ut  discerent  lectores  quid  sit,  posthabito  scriptoris  consilio,  verbum  unum  mutilatum  arripere.  Porro  David  tam  sermones  suos  quam  affectus  Deo  regendos  commendans,  fatetur  non  aliter  quam  arcana  spiritus  moderatione  et  mentem  et  linguam  in  officio  teneri:  praesertim  ubi  ad  intemperiem  nos  hostium  petulantia  impellit.  Iam  si  lubrica  est  ac  nimis  volubilis  lingua,  nisi  Deus  quasi  custos  et  excubitor  eam  contineat,  non  minus  necesse  est  intus  cohiberi  turbulentos  affectus.  Qualis  enim  officina  est  cor  hominis,  et  quam  varia  consilia  singulis  fere  momentis  fabricat?  Fatendum  ergo  est  cum  Davide,  nisi  Deus  corda  et  linguas  custodiat,  nullum  fore  modum  pravis  tam  cogitationibus  quam  verbis:  quia  et  linguae  modestia  singulare  est  spiritus  donum  :  et  Satan  nunquam  multa  suggerere  desinet  quae  nos  facile,  imo  cupide  amplectemur,  nisi  se  Deus  opponat.  Nec  absurdum  videri  debet  si  inclinet  Deus  ad  res  malas  corda  nostra,  quae  sunt  in  eius  manu,  ut  eius  arbitrio  huc  illuc  flectantur.  Non  quod  ad  malas  cupiditates  nos  ipse  sollicitet:  sed  quia  arcanis  suis  iudiciis  tradens  Satanae  tyrannidi  reprobos,  et  quidem  efficaciter  mancipans,  merito  dicitiur  excaecare  et  obdurare.  Interim  culpa  scelerum  extra  homines  quaerenda  non  est,  in  quibus  residet  concupiscentia:  et  quum  naturaliter  appetant  bonum  vel  malum,  non  externo  impulsu,  sed  sponte  et  proprio  vitio  ad  malum  inclinant.  Ubi  reddidi  ad  patranda  opera  in  pietate,  non  male  quidam  vertunt,  Ad  cogitandum  cogitationes.  Sed  quia  eodem  recidit  sensus,  non  adeo  laboro.  Per  D^DMD  (quod  nomen  vertimus  deli-