7:392  Alter  quoque  nomine  Marinarius,1)  ex  culina  Carmelitana  fumos  exhalat,  nos  libertatem  evangelicam  omne  genus  corruptelis  praetexere.  Atque  ut  aliquid  elegantiae  aspergeret  suae  orationi,  exclamat:  O  coenum!  o  labes!  Tametsi  nihil  habeant  frontis,  negare  tamen  non  audebunt,  quin  maior  apud  se  grassetur  vitiorum  licentia.  Plus  certe  apud  nos  esse  verae  castaeque  severitatis,  et  arctioris  disciplinae,  testes  sunt  quotidianae  nostrae  conciones.  Et  tamen  hunc  canem  e  coeno  foetidi  claustri  emersum,  nihil  pudet  ita  nobis  oblatrare.  Atqui  votis  abrogatis,  refracto  caelibatu,  sacris  precibus  contemptis,  calcatis  ieiuniis,  reiectis  patrum  institutionibus,  arripuimus  occasionem  peccandi,  quasi  vitae  ducem.  Qualis  igitur  apostolorum  fuit  vita?  quibus  ignotus  fuit  caelibatus,  pro  quo  dimicant  [pag.  54]  papistae:  sub  quibus  nulla  fuit  unquam  votorum  mentio:  qui  nullam  in  ciborum  delectu  necessitatem  imposuerunt  conscientiis  :  qui  contenti  ea  regula,  quam  Dominus  praescripserat,  nullos  unquam  legum  aut  traditionum  laqueos  iniicere  tentarunt.  Nihil  enim  in  nobis  calumniatur,  cuius  non  idem  nobiscum  crimen  sustineant  apostoli.  Quae  votorum  genera  improbemus,  ex  scriptis  nostris  constat.  Quantam  spurcitiarum  colluviem  orbi  universo  intulerit  eorum  caelibatus,  quem  sancto  coniugio  mutatum  cupimus,  utinam  minus  esset  notum.  Caelibatum  in  iunioribus  viduis  ut  olim  Paulus  reprehenderet,  hoc  argumento  adductus  fuit  quia  quaedam  ad  Satanam  defecerant.  Hodie  plus  esse  in  claustris  monachorum  et  monialium  obscoenitatis,  quam  in  ullis  lupanaribus,  satis  compertum  est.  Quocunque  penetrant  sacrifici,  signum  aliquod  suae  impudicitiae  impressum  relinquunt.  Quasi  in  hunc  solum  finem  prohibiti  sint  a  coniugio,  ut  libidinem  suam  ubivis  profundant.  Et  tot  experimenta  non  tantum  apud  nos  valebunt,  ut  illis  caelibatus  necessitas  remittatur?2)  Christiana  ieiunia,  et  sacras  preces  a  nobis  damnari,  improbe  mentitur.  Sed  ideo  secure  facit,  quia  sciebat  tanto  se  maiori  cum  plausu  facturum,  quanto  petulantior  in  nos  debacchando  foret.  Et  interim  [pag.  55]  bonus  evangelicae  libertatis  vindex,  eius  fructus,  solatia,3)  delitias  et  fomenta  vocat  quidquid  servilium  est  superstitionum  in  papatu.  Mirum  cur  non  coelitum  quoque  nectar  et  ambrosiam  appellaverit.4)  Quid  hac  pecude  facias?  Paulus  christianae  libertatis  1)  II  y  en  a  un  autre  nomme  Marigner  lequel  iette  a  plein  gosier  des  routes  de  la  cuysine  des  carme  s.  .  Antonii  Marinarii  (Marinier)  sermo  Tridenti  habitus  die  dom.  IV.  Adv.  1545  exstat  in  Ph.  Labbei  Concil.  T.  XIV.  999  cf.  Salig  L  363.  Fuit  ex  ordine  Carmelitarum.  2)  leur  relascher  la  necessite  qu'on  leur  a  mal  imposee,  en  leur  permettant  le  mariage  que  Dieu  leur  a  permis.  3)  le  soulas.  4)  hoc  comma  in  versione  omittitur.