52:392  viro,  Christum  amori  saeculi  posthabuisse.  Neque  tamen  cogitandum  est,  eum  abnegato  prorsus  Christo  iterum  se  vel  impietati,  vel  illecebris  mundi  addixisse:  sed  tantum  privata  sua  commoda,  vel  suam  securitatem  Pauli  vitae  praetulerat.  Paulo  adesse  non  poterat  sine  multis  molestiis  et  angoribus,  ac  cum  praesenti  vitae  suae  periculo  :  expositus  erat  multis  probris,  multas  indignitates  devorabat,  cogebatur  rerum  suarum  curam  relinquere:  taedio  itaque  crucis  victos,  rebus  suis  prospicere  voluit.  Nec  dubium  quin  haberet  propitiam  auram,  quae  illi  a  mundo  aiflabat.  Porro  fuisse  unum  ex  praecipuis,  inde  coniicere  licet,  quod  eum  inter  paucos  nominat  Paulus  ad  Coloss.  4,  14,  similiter  in  epistola  ad  Philem.  24,  ubi  etiam  adiutoribus  suis  eum  annumerat.  Quare  non  mirum  est  si  eum  tam  duriter  hic  perstringat,  quoniam  maiorem  sui  quam  Christi  rationem  habuerat.  Alii,  de  quibus  postea  meminit,  non  discesserant  ab  eo  nisi  iustis  de  causis,  et  ipso  sic  volente.  Unde  apparet,  non  ita  studuisse  ipsum  sibi,  ut  spoliaret  ecclesias  suis  pastoribus,  duntaxat  ut  levationem  inde  aliquam  sentiret.  Procul  dubio  semper  hoc  curae  habuit,  eos  ad  se  vocare,  aut  retinere  secum,  quorum  absentia  aliis  ecclesiis  non  obesset.  Hac  ratione  Titum  ablegaverat  in  Dalmatiam,  et  alios  alio,  quum  Timotheum  accerseret.  Imo  ne  Timotheo  absente  destituta  aut  nudata  maneat  Ephesiorum  ecclesia,  Tychicum  illuc  mitt  i  t  :  atque  id  indicat  Timotheo,  ut  sciat  non  defuturum  qui  suas  vices  expleat.  13.  Penulam  quam  Troade.  De  vocabulo  pe  n  ul  ae  non  consentiunt  interpretes:  quia  nonnulli  volunt  arculam  esse,  aut  thecam  librariam,  alii  genus  vestis  viatoriae  frigoribus  et  pluviis  arcendis  aptum.  Utravis  autem  interpretatio  magis  placeat,  qui  fit  ut  sibi  aut  vestem,  aut  arculam  ex  loco  tam  remoto  advehi  iubeat  Paulus?  quasi  Romae  nulli  essent  opifices,  vel  nulla  panni  aut  lignorum  copia.  Si  arculam  dixerimus  libris,  aut  chartis,  aut  epistolis  refertam,  soluta  erit  quaestio  :  nullo  enim  pretio  comparari  poterat,  sed  quia  multi  hanc  coniecturam  non  recipient,  facile  amplector  nomen  penulae.  Nec  absurdum  est,  tam  procul  a  Paulo  petitam  fuisse,  eo  quod  ex  diuturno  usu  futura  esset  illi  commodior,  vellet  autem  sumptum  effugere.  Quamquam  (ut  verum  fatear)  mihi  prior  interpretatio  magis  arridet:  praesertim  quum  mox  subiiciat  libros  et  membranas.  Unde  apparet  apostolum,  quum  iam  ad  mortem  se  pararet,  non  tamen  a  lectiono  destitisse.  Ubi  ergo  sunt,  qui  se  eousque  profecisse  putant  ut  nulla  amplius  exercitatione  indigeant?  Quis  se  cum  Paulo  conferre  ausit?  Magis  etiam  refellitur  fanaticorum  hominum  furor,  qui,  libris  contemptis  damnataque  omni  lectione,  solos  suos  evo-ooatacixooc  iactant.  Nos  vero  sciamus  hoc  loco  piis  omnibus  commendari  assiduam  lectionem  ex