41:392  estre  si  precieuse,  que  l'honneur  de  Dieu  en  soit  amoindri  d'une  seulle  goutte?  Et  c'est  une  chose  si  vilaine  que  rien  plus.  Et  toutesfois  voila  ou  nous  tendons  tous  de  nature,  nous  voulons  bien  que  Dieu  abbaisse  son  honneur,  et  que  nostre  vie  aille  devant,  que  nous  ne  soions  point  tenus  de  l'adorer,  sinon  qu'il  nous  soit  licite  devant  les  hommes.  Or  ne  nous  abusons  point  en  cela,  mais  aprenons  cette  lecon,  a.  scavoir  de  mespriser  ce  monde  ici,  de  regarder  que  puis  que  nous  ne  sommes  rien,  s'il  faut  espargner  nos  corps,  qui  ne  sont  que  charognes  pour  dire,  que  l'honneur  de  Dieu  soit  moindre,  car  si  nous  la  voulons  garder  pour  une  minute  de  temps,  que  sera  ce  en  la  fin?  encores  que  nous  aions  prolonge  nostre  vie,  tant  qu'il  nous  sera  possible?  Helas!  ce  sera  un  pauvre  gain,  quand  pour  cela  nous  aurons  perdu  la  vie  eternelle.  Voila  ce  que  nous  avons  a  noter  sur  ce  passage.  Mais  puis  qu'ainsi  est,  qu'estans  entre  les  infideles  et  ennemis  de  la  foy,  nous  sommes  tenus  sur  la  peine  de  nostre  vie  d'adorer  Dieu,  et  de  faire  protestation  de  nostre  foy,  que  sera  ce  quand  nous  serons  en  nostre  liberte?  Comme  maintenant  les  feux  ne  seront  pas  ici  allumes  pour  nous  brusler,  on  ne  nous  contraindra  point  a.  faire  chose  qui  soit  contre  Dieu,  plustost  on  nous  incite  a  cela,  les  loix  et  les  edicts  y  sont  expres,  la  trompette  aura  sonne,  la  cloche  sonne,  on  nous  tendra  la  main  pour  nous  faire  venir  a  Dieu,  si  nous  sommes  lasches  la  dessus,  quelle  excuse  y  aura  il?  nous  pourrons  bien  prier  Dieu  en  secret.  Mais  il  y  ha  la  confession  de  foy,  qu'il  nous  faut  faire,  que  nous  devons  inciter  les  uns  les  autres,  et  faire  les  prieres  publiques,  qui  nous  aideront  a  cela.  Et  toutesfois  il  y  en  aura,  qui  ne  daigneront  une  fois  le  mois,  venir  ici  pour  prier  Dieu.  Les  doit  on  ietter  en  la  fosse  des  lions,  quand  ils  ne  viendront  point  au  temple?  mais  plustost  on  les  exhorte  a  cela.  Tant  y  ha  neantmoins,  qu'ils  ne  daignent  marcher  un  pas,  ne  faut  il  pas  bien  dire  que  telles  gens  n'ont  nulle  connoissance  de  Dieu,  non  plus  que  des  bestes  brutes?  Puis  qu'ainsi  est  donques,  que  les  enfans  de  Dieu  sont  tenus  de  luy  faire  hommage,  nonobstant  tous  les  tourmens,  que  on  leur  scauroit  presenter  encores  que  les  glaives  soient  desgaines,  qu'ils  voient  les  punitions  les  plus  cruelles  du  monde,  toutesfois  qu'ils  sont  enseignes  de  servir  a  Dieu,  par  plus  forte  raison  quand  nous  serons  en  liberte,  il  faut  bien  que  nous  soions  songneux  de  ce  faire,  que  nous  aions  une  affection  si  ardente,  que  toutes  les  affaires  de  ce  monde  ne  nous  soient  rien  au  pris,  que  cela  soit  mis  sous  le  pied,  et  que  nous  devons  faire  oblation  a  Dieu,  et  de  nous  et  de  nos  corps.  Voila  ce  que  nous  avons  a  noter,  sur  l'histoire  ou  nous  sommes  a  present.  Venons  maintenant  a  ce  qui  est  au  texte.  Les