25:392  ceret,  eundem  Deum  qui  olim  benedixit  Ioseph  ore  servi  sui  Iacob,  nunc  idem  vaticinium  repetere,  quo  certior  sit  eius  fides.  17.  Primogeniti.  Sensum  obscurant  interpretes,  vertendo:  Primogenitus  in  nominativo  casu.  Mihi  vero  dubium  non  est  quin  decorem  Ioseph  comparet  magnitudini  pulcherrimae  bovis:  ac  si  diceret:  Pulchritudo  eius,  tanquam  boum  qui  selectissimi  sunt  in  eius  armentis:  certe  primogenitum  pro  egregio  poni  recte  convenit.  Dicit  ergo  nullos  reperiri  in  terra  Ioseph  pulchriores  boves,  vel  magis  decoros  quam  sit  ipse  populus.  Formae  etiam  robur  et  vires  adiungit,  ut  contra  hostes  quoslibet  invictus  maneat.  In  fine  versus  (ut  antea  admonui)  pronunciat  quod  hactenus  vaticinatus  est  de  Ioseph,  commune  fore  duabus  familiis  Ephraim  et  Manasse.  Interea  vero  confirmat  sententiam  Iacob,  qua  Ephraim  natu  minorem  praetulerat  maiori.  Ideo  chiliadas  tantum  Manasse  recenset:  Ephraim  vero  myriadas,  cuius  rei  documentum  iam  ediderat  Deus  in  censu  cuius  facta  fuit  mentio,  in  quo  tribus  Ephraim  reperta  fuit  populosior.  EX  EODEM  CAPITE.  18.  Et  ipsi  Zebulon  dixit:  Laetare  Zebulon  quum  egredieris,  et  Issachar  in  tabernaculis  tuis.  19.  Populos  ad  montem  vocabunt:  et  illic  sacrificabunt  sacrificia  iustitiae,  quoniam  affluentiam  maris  sugent,  et  tecti  thesauri  arenae.  20.  Et  ad  Gad  dixit:  Benedictus  qui  dilatare  fecit  Gad:  sicut  leo  habitabit,  et  rapiet  brachium  atque  verticem.  21.  Et  vidit  principium  sibi,  quod  illic  portio  legislatoris  tecta,  veniet  autem  cum  pricipibus  populi:  iustitiam  Iehova  faciet,  et  iudicia  eius  cum  Israele.  22.  Et  ad  Dan  dixit:  Dan  ut  catulus  leonis  saltabit  e  Basan.  23.  Et  Nephthali  dixit:  O  Nephthali  satur  beneplacito,  et  plene  benedictione  Iehovae,  occidentem  et  meridiem  posside.  24.  Et  Aser  dixit  :  Benedictus  prae  filiis  Aser,  erit  beneplacens  fratribus  suis,  et  tingens  in  oleo  pedem  suum.  25.  Ferrum  et  aes,  calceamenta  tua  l)  et  sicut  dies  tui  fortitudo  tua.  18.  Et  ipsi  Zebulon.  Duas  tribus  inter  se  comparat,  quod  locis  vicinae,  multum  tamen  inter  se  essent  dissimiles:  altera  enim  negotiationi  dedita,  frequentes  huc  et  illuc  habebat  egressus:  alteram  vero  magis  delectabat  otium  et  quies.  Haec  tam  diversa  conditio  notatur,  ubi  iubet  Zebulon  laetari  in  suis  expeditionibus:  Issachar  vero  in  domestica  quiete.  1)  In  margine:  vel,  serae  tuae.  Non  tamen  %n  editione  principe.  Gallus  habet  in  textu:  Ta  closture  %n  margine:  ou,  chaussure.