20:392  4153.  CALVINUS  MINISTRIS  NEOCOMENSIBUS.  Fratrum  nomine  queritur  Ludovicum  diaconum,  qui  tempore  pestis  grassantis  cum  vitae  discrimine  Neocomensibus  fidelem  operam  praestiterat,  nunc  a  Senatu  repente  dimissum  esse.  (Ex  apographo  satis  recenti  Bibi.  nation.  Parisiensis  Coll.  Dupuy  Vol.  102,  fol.  18.)  Fidelibus  Domini  nostri  Iesu  Christi  servis  decano  et  collegio  ministrorum  Neocomensis  ecclesiae  fratribus  et  symmystis  carissimis  et  colendis.  Gratia  vobis  et  pax  a  Deo  patre  nostro  et  Domino  Iesu  Christo,  fratres  carissimi  et  ex  animo  nobis  colendi.  Inviti  quidem  facimus  ut  vobiscum  utamur  ullo  genere  expostulationis.  Sed  quia  alterutrum  nobis  est  necesse,  aut  sustinere  facti  vestri  culpam  aut  amice  placideque  vobiscum  expostulando  efficere  ut  quod  peccatum  est  corrigatur,  veniam  nobis  pro  vestra  aequitate,  ut  speramus,  dabitis,  ut  ne  longa  quidem  aut  sollicita  excusatione  opus  sit.  Quum  frater  noster  Ludovicus1)  feliciter  scholae  nostrae  serviret  eum  vobis  rogantibus  concessimus  ut  provinciam  apud  vos  obiret,  primum  valde  molestam,  deinde  supra  modum  periculosam.  Reputate  vobiscum  quam  pauci  reperiantur,  qui  se  tam  praesenti  mortis  periculo  opponant.  Neque  vero  aut  nos  eum  extraximus,  aut  ipse  inopia  coactus  se  vobis  addixit.  Receptus  a  vobis  fuit  et  a  senatu  vestro  hac  lege  ut  perpetuo  ministerio  fungeretur.  Postquam  eius  opera  tanquam  venalis  cuiuspiam  mancipii  abusi  sunt  vestri  homines,  nunc  eum  ablegant.  Principio,  ubi  fides?  deinde,  ubi  aequitas?  ubi  gratitudo?  ubi  denique  humanitas?  Neque  haec  exprobrandi  causa  dicimus,  sed  ut  nostra  admonitione  expergefacti  senatui  vestro  demonstretis,  facinus  pessimi  exempli  fore  et  plenum  maximi  dedecoris,  si  pio  viro,  cuius  fidelem  operam  in  summa  necessitate  expertus  est,  ita  illuserit.  Nos  certe  unius  hominis  iactura  moniti  posthac  cautiores  erimus,  nisi  haec  iniquitas  correcta  fuerit.  Valete,  fratres  nobis  dilectissimi,  ac  liberam  nostram  obiurgationem  boni  consulite.  Dominus  vos  diu  sibi  et  ecclesiae  suae  4153.1)  Hunc  commendaverat  Calvinus  N.  678,  Capunculo  morienli  adstitisse  comperimus  N.  713.  .  Hubert  Louis  dirigeait  en  1537  le  college  de  La  Roche  en  Faucignv.  (Herminj.  IV.  288).