9:391  391  EXPOSITIO  IMPIETATIS  392  bitarit.  Tandem  contens  io  per  illustrissimum  magistratum  sedata  fuit,  egoque  cum  aliis  doctis  ac  probis  viris  subscripsi  confessioni  domini  Calvini,  putans  fore  ut  in  posterum  omnia  tuta  et  tranquilla  cernerentur.  Quum  interim  ecce  tibi  minister  noster,  nescio  quo  oestro  percitus,  nos  omnes  qui  subscripseramus  apud  exteras  nationes  oratione  publica  non  solum  ut  Arianos  et  Servetanos  notavit,  verum  etiam  ut  Georgianos,  aut  si  quid  peius  dici  cogitarive  potest  Quod  quum  ego  rescivissem,  statim  me  converti  ad  unicum  illum  Deum  [pag.  51J  Israel,  quem  toto  pectore  colo,  purasque  manus  in  coelum  extollens,  rogavi  illum  qui  solus  innocentiam  meam  novit,  ut  veritatem  suam  patefaceret,  meque  ab  hisce  calumniis  et  imposturis  tandem  (si  vellet)  liberaret.  Exaudivit  ille  preces  meas,  et  veritatem  quam  hactenus  subobscuram  et  implicitam  tenebam,  fugatis  tenebris  sole  ipso  sua  benignitate  clariorem  ostendit  Quam  veritatem  ipsemet  Deus  Israel,  qui  hanc  ecclesiam  suam  singulari  amore  prosequitur,  sua  divina  providentia  fecit  ut  ego  iussu  illustrissimorum  Dominorum  frequenti  tribunali  confiterer.  Quod  equidem  (ut  bonum  ac  fidelem  servum  decet)  sincere  et  sine  ullo  fuco  feci,  iuxta  modulum  fidei  quae  mihi  tradita  est.  Haec  pauca  eo  praefari  visum  est,  optimi  viri  Dei,  ut  inde  intelligeretis  verum  illum  patrem  nostrum  maxime  esse  veracem,  nec  ullo  pacto  iis  qui  toto  corde  illi  fidunt  unquam  defuturum.  Caetera  quae  acta  sunt,  quando  longe  notiora  sunt,  quam  ut  ulla  indigeant  narratione,  reliquum  est  ut  ad  firmas  ratiocinationes  sententiae  meae  breviter  descendam.  Quod  sic  me  facere  Dominus  ipse  spiritu  suo  praecepit  Utrum  unica  essentia  concurrat  in  trinitatem  necne?  Si  non  concurrit,  necessario  trinitas  erit  sine  Deo,  imo  vana,  imo  nulla:  sin  autem  concurrit,  communis  opinio  doctorum  quaternitatem  statuit,  non  trinitatem.  [pag.  52]  Quaeritur:  Utrum  unica  illa  essentia,  quam  dominus  Calvinus  negat  concurrere  in  trinitatem,  sit  ex  semetipsa  venis  Deus  absque  ullo  respectu  personarum?  Puto  id  eum  minime  negaturum.  Quare  quum  quaelibet  trium  personarum  sit  essentialiter  Deus,  nunquam  poterit  initiari  hanc  communem  doctorum  sententiam  constituere  quaternitatem.  Tria  igitur  concurrunt  in  trinitatem,  essentia  quae  dicitur  pater,  filius  et  spiritus  sanctus:  Atque  haec  est  vera  trinitas,  quae  est  trium  unitas,  non  autem  quatuor:  quidquid  dicat  dominus  Calvinus  de  etymo.  Quaeritur  :  Utrum  essentia,  pater,  et  unicus  ille  Deus  Israel  sint  stjnonyma,  quae  possint  inter  se  invicem  supponi  et  praedicari?  Quaeritur:  Utrum  Deus  legis  et  prophetarum  sit  pater  verbi?  Qui  hoc  negaverit,  sciat  se  in  Cerdonis  et  Archonticorum  dogma  incurrisse.  Praeterea  plures  deos  patres  fateatur  oportet  Quaeritur:  An  neget  dominus  Calvinus,  unicum