8:391  391  QUATRE  SERMONS.  392  verite  en  mensonge.  Que  les  docteurs  de  chambre  et  de  table  ne  prennent  point  yci  un  degre  trop  hault  pour  eulx,  c'est  de  gergonner  contre  le  Maistre  celeste,  auquel  il  nous  convient  tous  donner  audience.  Les  beaux  tiltres  ne  feront  yci  rien  pour  exempter  personne,  sinon  que  messieurs  les  abbez,  prieurs,  doyens  et  archidiacres  seront  contraincts  de  mener  la  danse  en  la  condamnation  que  Dieu  fera.  Si  messieurs  les  courtisans  ont  accoustume  de  contenter  les  hommes  par  leur  eaue  beniste,  qu'ils  n'attentent  pas  de  faire  le  semblable  a  Dieu.  Que  tous  gaudisseurs  se  deportent  de  donner  leurs  coups  de  bec,  et  iecter  leurs  brocars  accoustumez,  s'ils  ne  veulent  sentir  la  main  forte  de  celuy  a  la  parolle  duquel  ils  debvoyent  trembler.  C'est  un  abus  trop  lourd  de  se  faire  accroire  qu'en  me  prenant  a  partie,  ils  n'auront  plus  Dieu  pour  iuge.  Qu'ils  radent  mon  nom  de  leurs  papiers  en  ceste  matiere,  d'autant  que  ie  ne  pretens  sinon  que  Dieu  soit  escoute  et  obei,  et  non  pas  de  gouverner  [f.  20]  les  consciences  a  mon  appetit,  ni  de  leur  imposer  necessite  ou  loy.  Quant  aux  autres,  qui  ne  reiectent  point  la  parolle  de  Dieu  en  telle  fierte,  et  cependant  toutesfois  sont  si  infirmes  et  lasches  qu'on  ne  les  peut  faire  bouger,  ie  les  exhorte  qu'ils  pensent  un  peu  mieulx  a  eulx,  pour  ne  se  plus  flater  comme  ils  ont  faict.  Qu'ils  ouvrent  les  yeulx  et  se  resveillent  pour  veoir  et  sentir  leur  mal.  Ie  scay  les  difficultez  esquelles  ils  sont,  et  ie  ne  leur  parle  pas  aussi  de  servir  purement  a  Dieu  entre  les  idolatres,  comme  d'une  chose  facile:  mais  si  la  vertu  leur  default,  qu'ils  recourent  a  Dieu,  a  fin  qu'il  les  fortifie,