6:391  RESPONSIO  CONTRA  PIGHIUM  quam  malum  concipere  ex  se  queat,  ut  anathema  omnibus  qui  sic  sentiunt  centies  minetur,  nihilo  plus  tali  clamore  quam  latratu  proficiet,  donec  alia  scripturae  testimonia  proferat.  Dei  enim  veritas,  quam  docemus,  maiori  stabilitate  subnixa  est,  quam  ut  ventosis  eius  argumentationibus  tam  leviter  diruatur.  Hoc  controversiae  capite  tam  bene  transacto  et  absoluto  ad  alterum  transit.  Nam  quod  scripsi,  ne  pedissequam  quidem  gratiae  ideo  debere  existimari  hominis  voluntatem,  quia  per  se,  proprio  separatoque  motu,  cooperetur,:  quin  potius  hoc  quoque  voluntatis  obsequium,  sive  ad  recipiendum,  sive  ad  retinendum  spiritus  sancti  motum,  quam  cooperationem  appellant,  inde  manare,  quod  voluntas  iam  reformata  spiritui  promptam  obsequentemque  se  praebeat:  primum  id  tam  obscurum  esse  pronunciat,  ut  nec  ego  intelligam  quid  mihi  velim;  deinde  hunc  esse  impietatis  cumulum,  cui  nihil  adiici  amplius  queat,  frustraque  me  obtendere  Augustini  patrocinium,  quem  mihi  prorsus  adversari  demonstraverit.  Quod  autem  in  eius  verbis  fuerim  hallucinatus,  causam  hanc  esse,  quia  obiter  tantum  cursimque  inspectus,  nunquam  attento  studio  lectus  mihi  fuerit.  Utinam  vero  tanta  et  attentione  et  diligentia  versatus  foret  in  scripturis,  tamque  familiariter  notum  haberet  earum  sensum,  quam  et  diligenter  legisse  me  Augustinum,  et  familiariter  cognitam  habere  eius  mentem,  iactare  mihi  liceat.  Verum  id  ex  re  ipsa  aestimari  malo.  Quod  ad  praesentem  quaestionem  spectat,  quia  illud  Chrysostomi  improbaveram,  neque  voluntatem  sine  gratia,  neque  gratiam  sine  voluntate  quidquam  posse  boni,  malignitatis  me  accusat,  quia  uni  Chrysostomo  [pag.  221J  imputem,  quod  et  ex  communi  ecclesiae  definitione  sumptum  sit,  et  totidem  prope  verbis  ab  Augustino  asseratur.  Locum  autem  recitat  ex  tertio  Hypognosticcov  libro,  cuius  clausulam  verbis  quidem  non  inultum  absimilem  esse  fateor  ab  eo,  quod  dicit  Chrysostomus;  sed  sensum  diversissimum  esse  contendo.  Bona  opera  per  gratiam  et  liberum  arbitrium  fieri  tradit,  quicunque  sit  illius  libri  autor;  sicut  via  ab  equo  simul  et  sessore  conficitur:  dum  equus  quidem  currit,  sed  directus  sessoris  manu,  ut  rectum  iter  teneat.  Porro  viam  facit  Christum.  Liberum  arbitrium  instar  vagi  et  devii  iumenti  in  mundi  vanitate  errare  docet,  usque  dum  illi  spiritus  Dei  insideat,  quo  a  concupiscentiarum  errore  ad  viam  iustitiae  reducat;  reductum  perpetuo  regimine  gubernet,  donec  ad  destinatam  metam  perveniat.  Currere  ergo  liberum  arbitrium  concludit;  sed  Deum  facere,  ut  recte  currat.  Et  quid  hoc  aliud  est,  nisi  quod  semper  docui?  habere  scilicet  a  natura  voluntatem,  ut  velit:  ut  autem  bene  velit,  beneficium  esse  gratiae,  non  facultatem  naturae.  Hoc  sensu  minime  repugno,  quin  gratiam  comitetur  voluntas,  sicut  necessario