54:391  391  SERMON  II  392  DEUXIEME  SERMON.  Chap.  I}  v.  1.4.  Nous  avons  veu  ce  matin,  que  S.  Paul  a  declare  quelle  est  la  vraye  foj,  en  disant  qu'elle  emporte  cognoissance  de  la  verite:  et  la  dessus  nous  avons  este  advertis  qu'il  nous  faut  profiter  en  l'escole  de  Dieu,  si  nous  voulons  estre  reputez  pour  Chrestiens  devant  luy.  Or  cependant  notons  aussi  que  ce  titre  qui  est  attribue  a  la  parole  de  Dieu,  nous  apporte  une  singuliere  consolation.  Car  nous  sommes  delivrez  de  doute  et  de  scrupule,  quand  nous  cognoissons  que  c'est  Dieu  qui  a  parle  a  nous:  car  en  luy  il  n'y  a  que  verite  certaine  et  infallible:  comme  aussi  derechef  8.  Paul  adiouste  que  c'est  luy  qui  ne  peut  mentir:  monstrant  qu'il  ne  nous  faut  point  aller  selon  les  hommes.  Car  nous  pourrions  tousiours  nous  desfier  de  ce  qui  seroit  dit:  mais  ce  qui  est  procede  de  la  bouche  de  Dieu,  est  certain,  et  en  doit-on  estre  plenement  resolu.  Comme  aussi  souvent  il  nous  est  declare  que  la  parole  de  Dieu  est  purgee,  qu'il  n'y  ait  escume,  ne  superfluite,  ne  rien  qui  soit.  Et  pour  ceste  cause  elle  est  accomparee  a  l'or  et  a  l'argent  qui  a  passe  et  aura  este  bien  refondu  au  feu.  Cela  est  pour  nous  certifier  tellement,  que  nous  pouvons  dire  que  nous  ne  tenons  point  des  hommes  nostre  foy,  mais  que  Dieu  en  est  l'autheur  :  que  nous  sommes  asseurez  contre  tous  combats  que  Satan  nous  pourra  dresser.  Et  au  reste,  il  nous  est  aussi  bien  signifie  que  quand  nous  aurions  tout  le  scavoir  du  monde,  si  nous  ne  cognoissons  Dieu  et  sa  parole,  qu'il  n'y  a  rien  que  fumee  en  nous.  Ce  n'est  pas  ici  seulement  que  le  S.  Esprit  parle  d'un  tel  style:  c'est  ascavoir  que  la  parole  de  Dieu  est  la  verite,  une  verite  sans  queue  (comme  on  dit),  mais  quand  sainct  Paul  aux  Colossiens  veut  magnifier  l'Evangile,  Vous  avez  (dit-il)  cognu  la  verite:  c'est  a  dire  la  parole  de  vie  qui  vous  a  este  preschee.  L'Esprit  vous  menera  en  toute  verite,  dit  nostre  Seigneur  Iesus  Christ.  Et  puis  s'addressant  a  Dieu  son  Pere,  Pere  celeste,  ta  parole  est  verite.  Apprenons  donc  que  Dieu  en  toutes  sortes  nous  a  voulu  arrester  a  luy,  non  seulement  afin  que  nous  luy  portions  l'honneur  qu'il  merite,  et  que  nous  luy  attribuyons  l'authorite  qu'il  demande,  mais  que  nous  soyons  bien  fondez  et  resolus,  que  nous  n'ayons  point  une  opinion  volage,  mais  que  nous  puissions  dire  comme  disoit  ce  peuple  mesme  a  la  Samaritaine,  Nous  l'avons  ouy.  Voila  ce  qui  doit  estre  retenu  en  ce  passage.  Or  cependant  il  nous  monstre  a  quoy  ceste  verite  pretend:  car  il  la  discerne  d'avec  toutes  autres  doctrines  qui  appartieneut  a  ceste  vie  transi-