52:391  391  EPIST.  PAULI  AD  TIMOTHEUM  II  392  quia  eodem,  quo  erga  nos  coepit,  liberalitatis  tenore  priora  sua  dona  posterioribus  cumulat.  Frustra  igitur  et  perperam  hinc  papistae  probare  contendunt,  a  virtute  liberi  arbitrii  proficisci  bona  opera;  quando  minime  absurdum  est  ut  Deus  sua  dona  in  nobis  coronet.  Nec  minus  etiam  frustra  et  stulte  conantur  hinc  destruere  fidei  iustitiam,  quando  nibil  dissidet  Dei  bonitas,  qua  gratis  hominem  amplectitur,  peccata  non  imputando,  ab  ea  operum  remuneratione  quam  eadem  liberalitate  reddet,  qua  promisit.  Nec  solum  mihi.  Ut  eodem  reliqui  omnes  animo  secum  militent,  ad  coronae  societatem  eos  invitat.  Neque  enim  posset  infracta  eius  constantia  nobis  esse  exemplo,  nisi  eadem  spes  coronae  proposita  omnibus  esset.  Insigni  autem  nota  pios  designat,  quum  dicit,  omnibus  qui  d  i  l  i  g  u  n  t  adventum  eius.  Et  certe  ubicunque  vigebit  fides,  non  sinet  animos  in  mundo  torpere,  sed  ad  spem  ultimae  resurrectionis  attollet  Significat  igitur,  omnes  qui  mundo  ita  sunt  addicti,  et  fluxam  hanc  vitam  amant,  ut  non  curent  adventum  Christi,  nec  ullo  eius  desiderio  tangantur,  sese  privare  immortali  gloria.  Vae  igitur  stupori  nostro  qui  nos  oppressos  tenet  ne  unquam  de  Christi  adventu  serio  cogitemus,  ad  quem  decebat  totos  intendere.  Adde  quod  e  fidelium  numero  excludit  quibus  formidabilis  est  Christi  adventus,  qui  diligi  non  potest  quin  suavis  sit  ac  iucundus.  9.  Da  operam  ut  ad  me  venias  cito.  10.  Demas  enim  me  reliquit,  amplexus  hoc  saeculum,  et  profectus  est  Thessalonicam:  Crescens  in  Galatiam,  Titus  in  Dalmatiam:  ll.  Lucas  est  solus  mecum.  Marcum  assume  ut  tecum  adducas:  est  enim  mihi  utilis  in  ministerium.  12.  Tychicum  autem  misi  Ephesum.  13.  Penulam  quam  Troade  reliqui  apud  Carpum}  quum  venies,  affer,  et  libros  et  membranas.  9.  Da  operam.  Quum  mortis  tempus  instare  sciret,  non  dubito  quin  multa  habuerit  de  quibus  in  ecclesiae  bonum  coram  conferre  cum  Timotheo  vellet.  Itaque  non  dubitat  ex  transmarina  regione  eum  accersere.  Non  erat  certe  levis  causa  cur  eum  ab  ecclesia,  cui  praeerat,  evocaret:  et  quidem  tam  procul.  Inde  licet  colligere  quantum  habeant  momenti  talium  virorum  colloquutiones.  Nam  omnibus  ecclesiis  diu  profuturum  erat  quod  brevi  temporis  spatio  didicisset  Timotheus:  ut  levis  esset  dimidii  vel  totius  anni  iactura  prae  compensatione.  Et  tamen  ex  sequentibus  apparet,  Paulum  sua  etiam  privata  causa  Timotheum  vocare,  quia  fidis  adiutoribus  destituebatur.  Tametsi  quod  suae  personae  proprium  erat,  non  praeferebat  ecclesiae  commodis:  sed  quia  agebatur  communis  evangelii  causa.  Nam  sicuti  ipse  ex  vinculis  eam  defendebat:  sic  opus  habebat  aliorum  opera  ad  defensionem  adiuvandam.  10.  Amplexus  hoc  saeculum.  Turpe  sane  tali