47:391  391  IN  EVANGELIUM  IOANNIS  392  que  gratos  sibi  et  amabiles  redderet.  Et  certe,  ut  paulo  ante  dictum  est,  quantum  ad  nos  spectat,  sumus  extra  Christum  Deo  exosi:  tunc  autem  demum  amare  nos  incipit,  dum  in  corpus  filii  dilecti  coalescimus.  Inaestimabile  fidei  privilegium,  quod  scimus  dilectum  fuisse  Christum  a  patre  nostra  causa,  ut  eiusdem  amoris  essemus  consortes  ac  perpetuo  simus.  Sed  notanda  est  particula,  ego  in  ipsis,  qua  docemur  non  aliter  nos  comprehendi  in  illo  amore  cuius  meminit,  nisi  in  nobis  habitet  Christus.  Quemadmodum  enim  filium  adspicere  non  potest  pater,  quin  totum  eius  corpus  simul  ante  oculos  habeat,  ita  si  volumus  in  eo  adspici  vere  eius  membra  esse  oportet.  CAPUT  XVIII.  1.  Haec  quum  dixisset  Iesus,  egressus  est  cum  discipulis  suis  trans  torrentem  Cedron,  ubi  erat  hortus,  in  quem  introivit  ipse  et  discipuli  eius,  2.  Noverat  autem  et  Iudas,  qui  tradebat  eum,  locum,  quia  saepe  convenerat  illuc  Iesus  cum  discipulis  suis.  3.  Iudas  ergo  quum  accepisset  cohortem  et  a  sacerdotibus  et  Pharisaeis  ministros,  venit  illuc  cum  laternis  et  lampadibus  et  armis.  4.  Iesus  autem  quum  novisset,  quaecunque  ventura  erant  super  eum,  exivit  ac  dixit  eis:  Quem  quaeritis?  5.  Responderunt  ei:  Iesum  Nazarenum.  Dixit  illis  Iesus:  Ego  sum.  Stabat  autem  et  Iudas,  qui  tradebat  eum,  cum  illis.  6.  Ut  ergo  dixit  illis:  Ego  sum,  abierunt  retrorsum  et  ceciderunt  in  terram.  1.  Haec  quum  dixisset  Iesus.  In  hac  historia  multa  praeterit  Ioannes,  quae  apud  alios  tres  evangelistas  leguntur,  idque  facit  consulto:  sicuti  multa  memoratu  digna  colligere  illi  propositum  fuit,  de  quibus  alii  tacent.  Ergo  quae  hic  desunt  ab  aliis  mutuentur  lectores.  Trans  torrentem  Cedron.  Additur  graece  articulus  ac  si  a  cedris  nomen  haberet  torrens:  probabile  tamen  est  errore  obrepisse.  Nam  vallis  vel  torrentis  Cedron  saepius  in  scriptura  fit  mentio.  Ab  obscuritate  sic  vocatus  est  locus,  quod  vallis  concava  ideoque  umbrosa  foret.  Quanquam  de  ea  re  non  contendo  :  tantum  affero  quid  sit  verisimilius.  Consilium  evangelistae  praecipue  spectandum  est  in  loci  indicatione:  nam  ostendere  voluit  Christum  sponte  ad  mortem  prodiisse.  Venit  in  locum,  quem  Iudae  familiariter  notum  sciebat.  Quorsum  id  nisi  ut  sponte  se  offerat  proditori  et  hostibus  ?  Nec  eum  fallebat  incogitantia,  quum  omnium  quae  instabant  praescius  esset.  Postea  etiam  subiicit  Ioannes  eum  obviam  progressum  esse.  Mortem  ergo  non  coactus,  sed  ultro  subiit,  ut  voluntarium  esset  sacrificium  :  nam  sine  obedientia  nobis  expiatio  parta  non  esset.  Hortum  porro  ingreditur,  non  quaerendi  la-