41:391  391  SERMON  VII.  392  en  un  temple  des  papistes,  qu'il  viendra  la  faire  protestation  d'adherer  a  toutes  les  abominations,  qui  se  commettent,  a  toutes  ces  vilennies,  par  lesquelles  Dieu  est  deshonnore,  son  service  corrumpu,  toute  la  religion  et  la  doctrine  exposee  en  moquerie,  quand  un  homme  viendra  faire  semblant  d'adherer  a  telles  ordures,  qu'elle  excuse  y  a  il  en  cela?  Qu'on  face  comparaison  tant  qu'on  voudra  avec  Daniel,  et  on  trouvera  que  Daniel  est  a  iustifier  cent  fois,  et  ceux  ci  a  condamner.  Voici  donques  une  histoire,  que  nous  devons  bien  noter,  mais  ce  n'est  pas  le  tout  (comme  i'ay  dit)  de  connoistre  la  vertu,  et  la  constance  invincible,  qui  a  este  en  Daniel,  il  faut  que  nous  prenions  cecy  pour  une  instruction,  que  si  nous  sentons  qu'il  y  ait  de  l'infirmite  en  nous,  que  nous  prions  Dieu  qu'il  nous  face  la  grace,  de  ne  nous  point  flatter  en  icelle,  mais  que  nous  luy  demandions  qu'il  nous  en  purge,  a  fin  que  rien  ne  nous  empesche,  que  nous  ne  luy  facions  hommage  des  corps,  qu'il  ha  si  cherement  rachetes  par  le  pris  du  sang  de  nostre  Seigneur  Iesus  Christ  son  fils,  des  corps  qui  sont  les  vrais  temples  de  son  sainct  Esprit,  des  corps  qui  doivent  estre  une  fois  resuscites  en  gloire,  pour  estre  participans  de  son  royaume  immortel.  Voila  comment  c'est  qu'il  nous  faut  pratiquer  cette  doctrine,  c'est  a  scavoir  que  tout  ainsi  que  nous  devons  croire  de  coeur  a  iustice,  qu'il  faut  aussi  faire  confession  de  bouche  a  salut,  c'est  a  dire  qu'apres  que  nous  avons  mis  nostre  fiance  en  Dieu,  que  nous  avons  cette  affection  de  l'adorer,  qu'aussi  devant  les  hommes  nous  protestions  que  nous  sommes  siens,  que  nous  le  tenons  pour  nostre  Dieu,  a  fin  que  les  autres  soient  instruits  par  nostre  exemple,  que  d'un  commun  accord  il  soit  adore  et  servi  de  nous.  Voila  ce  que  nous  luy  devons.  Et  ne  pouvons  nous  pas  nous  exempter?  Quiconques  voudra  avoir  excuse  ou  privilege,  il  faut  qu'il  trouve  qu'en  la  fin  il  est  maudit  de  Dieu.  Et  pourtant  avisons  que  Dieu  ne  se  laissera  point  tromper  par  les  hommes,  il  n'est  point  sophiste  pour  se  laisser  mener  par  nos  cavillations.  Il  faut  donques  cheminer  en  rondeur  et  simplicite  de  coeur  devant  luy.  Davantage  regardons  si  c'est  raison,  que  nostre  vie  qui  n'est  rien,  soit  preferee  a  l'honneur  de  Dieu,  qui  est  inestimable?  L'honneur  de  Dieu  consiste  en  partie,  en  ce  que  nous  confessons,  que  c'est  luy  seul,  auquel  appartient  tout  hommage,  qu'il  domine  par  dessus  nous,  que  tout  est  conduit  par  sa  main,  que  tout  consiste  en  sa  vertu,  et  en  sa  puissance.  Or  quand  nous  voudrions  obeir  a  l'apetit  des  hommes,  que  pour  crainte  des  infideles  nous  ferons  semblant  d'adherer  aux  abominations  et  idolatries,  qui  se  commettent  entre  eux,  voila  Dieu  qui  est  renonce  par  nous,  et  son  honneur  mis  soubs  1e  pied.  Et  ie  vous  prie,  la  vie  des  hommes  doit  elle