32:391  391  PSALMUS  CXLI.  392  aerumnas  patienter  ferendas  animat,  donec  opportunum  adveniat  ferendi  auxilii  tempus,  quasi  diceret,  Me  nunc  omnes  miserum  existimant,  quia  expositus  impiorum  libidini  non  statim  Dei  manu  restituor:  me  tamen  desperatio  non  obruet:  quia  proprium  Dei  munus  esse  scio  pauperum  causam  suscipere.  Nam  quod  privatim  ad  Davidis  personam  hoc  nonnulli  restringunt,  dilutum  est.  Hinc  colligit  iustos  gratias  Deo  acturos,  eiusque  auxilio  semper  fore  incolumes.  Nam  particula  *]#,  quae  saepe  adversativa  est  Hebraeis,  hic  simpliciter  affirmat,  vice  tamen  illationis  ponitur.  Quamvis  ergo  ad  tempus  obmutescant  pii,  et  angustiis  constricti,  a  Dei  laudibus  cessent  :  statuit  tamen  David  paulo  post  redditum  iri  quod  ablatum  fuerat,  ut  laeti  et  alacres  celebrent  Dei  gratiam.  Et  quia  hoc  in  rebus  maxime  confusis  difficile  creditu  erat,  particulam  utique  interposuit.  Sic  enim  luctando  ad  hanc  fiduciam  emergere  nos  decet,  quantumvis  misere  iaceant  fideles,  recuperata  laetitia,  brevi  celebraturos  Dei  nomen.  Secundum  membrum,  causae  est  redditio.  Hanc  enim  Dei  laudandi  materiam  rectis  fore  dicit,  quia  sentient  salutis  suae  curam  esse  Deo.  Nam  hoc  est  habitare  coram  facie  Dei,  foveri  ac  sustineri  paterna  eius  cura.  PSALMUS  CXLL  ARG.  Quaecunque  necessitas  ad  hanc  precandi  formam  Davidem  compulerit,  utcunque  indigne  et  praeter  culpam  graves  iniurias  sustineat,  petit  tamen  animum  suum  divinitus  fraenari  et  regi,  ne  ad  ulciscendi  cupidinem  prosiliens  paria  referat,  atque  ita  maleficiis  certet.  Deinde  ubi  se  ad  tolerantiam  composuit,  Deum  contra  hostes  suos  vindicem  implorat.  Psalmus  Davidis.  1.  Iehova  clamavi  ad  te,  festina  ad  me,  ausculta  vocem  meam  dum  ad  te  clamo.  2.  Dirigatur  precatio  mea  quasi  suffitus  coram  facie  tua:  elevatio  manuum  mearum  quasi  sacrificium  vespertinum.  3.  Pone  Iehova  custodiam  ori  meo,  custodi  super  ostium  labiorum  meorum.  4.  Ne  inclines  cor  meum  ad  rem  malam,  ad  patranda  opera  in  impietate  cum  viris  operantibus  iniquitatem,  et  ne  comedam  ex  deliciis  ipsorum.  1.  (Iehova  clamavi.)  Ex  hoc  principio  colligere  licet,  Davidem,  quum  ita  precatus  est,  non  levi  tentatione  fuisse  perculsum  :  quia  et  eadem  vota  iterat,  et  vehementer  insistit  in  flagitando  auxilio.  Etsi  autem  non  audeo  tempus  praescribere,  non  tamen  displicet  eorum  coniectura  qui  Psalmum  hunc  de  persequutionibus,  quas  sub  Saule  passus  est,  compositum  esse  volunt.  Iam  David  suo  exemplo  ad  Deum  recta  quaerendum  nos  invitat,  ne  (sicuti  homines  profani  solent)  variis  subsidiis  ac-