20:391  391  EPISTOLAE  4152.4154  392  A  Monseigneur  Monsr,  d'espe  ville.  Iam  literas  ad  te  scripseram,  vir  optime,  quum  noster  Britannus  tuas  mihi  reddidit,  quibus  nihil  optatius  aut  iucundius  adferri  potuit,  ob  ea  quae  pro  tua  humanitate  et  singulari  in  me  benevolentia  scribis.  Unum  mihi  molestum  fuit  quod  mihi  carissimus  frater  tam  importunus  fuerit  ut  a  te  cum  morbo  consectante  et  stomachi  cruditate  affecto  literas  ad  me  non  sit  veritus  expetere.  Te  ais  exspectare  dum  tibi  significem  me  iam  Italiae  taedio  captum  quotidie  ingemiscere  quod  hic  mora  longior  mihi  sit  trahenda.  Quam  prudenter  haec  cogitans  testari  possum  :  et  vero  iamdudum  ad  te  scripsissem,  nisi  me  sortis  meae  puduisset,  atque  certo  scivissem  de  fratre  meo  te  rem  totam  intellecturum.  Quoties  et  quibus  suspiriis  iam  de  reditu  meo  cogitarim  Dominus  novit.  Hic  quod  res  est  copiosius  explicare  mihi  non  licet  propter  huius  internuncii  discessum  repentinum  et  praeter  meam  exspectationem  paratum.  Ille  de  nobis  et  rebus  Italicis  plura  narrabit  quam  possim  ita  breviter  scribere.  Alias  longe  plura:  interim  me  excuses  etiam  atque  etiam  rogo.  Ferrariam  nondum  vidimus,  nec  quando  visuri  simus  adhuc  nobis  constat.  Tuas  literas  accepit  Bamboul,  quibus,  ut  mihi  dixit,  respondisset  si  per  dolorem  manus  dexterae,  quem  mensem  iam  integrum  pertulit,  ipsi  licuisset.  Itaque  me  rogavit  ut  tibi  scribam,  se  excusatum  habeas  et  commendatum.  Id  enim  vehementer  desiderat.  Sed  cogor  finem  hic  facere,  prius  tamen  me  tibi  tuisque  precibus  commendo,  et  ut  me  ames  pro  tuo  more  velim  maxime.  Dominus  te  perpetuo  tueatur.  Patavii  3��  Kal.  Octob.  *)  Frater  meus  Ludovicus  Verae,  hic  nobiscum  aget  quoad  ipsum  non  taedeat  rerum  Patavinarum.  Interim  Rabbinos  evolvet.  Ego  vero  nihil  solus  Tuus  tibi  quam  devinctissimus  et  perpetuo  obsequentissimus  Car.  Bosquettus.  4152.1)  Lud.  Budaeus  obiit  Genevae  professor  I.  hebr.  a.  d.  VIII.  Kal  Inn.  1551.  Male  Senebier,  I.  386  quem  sequitur  Haagius  eius  mortem  ad  a.  1552  refert  {N.  1499.1506).  Quid  quod  Archinard  p.  55  eum  ad  a.  1567  superstitem  ststtt.  Eius  iter  Italicum  ad  annos  1546.1549  referunt  N.  793.887.  1188.  1191.  1201  et  seqq.  Epistolam  hanc  ergo  ad  a.  fere  1548  referre  poteris,  certe  post  N.  4147  collocandam.