9:390  esset  individuum  in  essentia  simile  verbo,  l)  non  diceretur  vere  neque  solus  pater,  neque  ingenitus,  neque  principium  totius  divinitatis.  Praeterea  eiusmodi  sententia  quaternitatem  potius  quam  trinitatem  videtur  constituere.  Quod  facile  sic  probari  posset:  [pag.  49]  Unica  illa  essentia  absque  ulla  consideratione  personarum  est  ex  semetipsa  verus  Deus  :  et  quaelibet  trium  personarum  est  item  essentialiter  Deus.  Sequitur  ergo  quaternitas,2)  non  trinitas.  Quamobrem  assero  patrem  esse  ipsam  unicam  essentiam:  verbum  autem  splendorem  gloriae  Dei,  et  expressam  imaginem  substantiae  illius,  hac  ratione  a  patre  distinctum,  quod  pater  (ut  ait  Christus)  est  solus  verus  Deus,  et  essentiator,  hoc  est,  informator  individuorum:*)  verbum  vero  est  filius,  simul  et  verus  Deus:  neque  tamen  duo  dii,  sed  unus  idemque  Deus.  Haec  est  summa  sententiae  meae  de  vero  patre,  veroque  filio:  nam  de  spiritu  sancto  nulla  est  quaestio,  et  tamen  iudicio  ecclesiarum  libentissime  subscribam.  Idem  Valentinus  Gentilis  inutilis  servus  Iesu  Christi,  captivus  Genevae  propter  confessionem  veri  Dei,  Domino  Copo,  Raymundo,  Henoco,  caeterisque  fidelibus  verbi  Dei  dispensatoribus,  gratiam  et  pacem  ab  Ulo  unico  Deo  Israel  vero  patre,  et  ab  Iesu  Christo,  vero  ac  naturali  eius  filio  per  spiritum  sanctum,  Amen.  Si  quis  unquam  indigne  persequutionem  passus  est  ab  iis  qui  veram  pietatem  profitentur,  ego  quidem,  optimi  viri  Dei,  vere  et  sine  fuco  is  dici  possum.  Nam  quum  ab  extremis  Italiae  finibus  [pag.  50]  propter  verbum  Dei  in  longinquas  et  peregrinas  regiones  me  contulissem,  nulla  alia  de  causa  hanc  vestram  ecclesiam  potissimum  elegi,  nisi  ut  dominum  Calvinum,  quem  antea  nomine  observabam,  de  facie  cognoscerem  et  audirem.  Postea  vero  quum  apud  nostros  Italos  quaestio  de  trinitate  agitaretur,  equidem  meam  sententiam  libere  in  medium  protuli,  cupiens  doceri  de  iis  quae  tum  occurrebant,  haud  vulgaria  illa  quidem,  sed  coelesti  potius  spiritualique  speculatione  dignissima.  Ac  ne  quis  quidquam  mea  fide  indignum  (ut  est  hominum  libido  prona  ad  malum)  suspicaretur,  disertis  verbis  declaravi,  me  omnem  pluralitatem  deorum,  et  minoritatem  filii  toto  pectore  detestari.  Sed  quidam  imperiosi  homines,  qui  purissimam  fidem  meam  denigrare  conati  sunt,  dominum  Calvinum  adeo  iu  me  irritaverunt,  ut  ille  de  me  aperte  male  sentire  non  du-  1)  un  Individu,  un  qui  ne  peust  estre  separe  en  l'essence  semblable  a  la  Parole.  2)  une  quatraine  de  dieux  {supra  dixerat:  quaternite).  3)  baillant  essence  c.  a  d.  formateur  de  choses  qui  ne  se  divisent  point.  25*