8:390  scauroye  que  faire  ni  aux  uns  ni  aux  autres,  sinon  de  leur  monstrer  en  quoy  ils  faillent,  a  fin  qu'ils  y  remedient.  Si  on  me  vient  demander  ceci  et  cela  par  le  menu,  ie  renvoyeray  tels  enquesteurs  a≫  la  reigle  generale  que  ie  tien  de  Dieu.  Ie  di  ceci,  pource  qu'il  y  en  a  de  si  importuns,  que  iamais  ce  ne  seroit  faict  avec  eulx,  si  on  vouloit  respondre  a.  toutes  leurs  difficultez.  Telles  gens,  a  bon  droict,  pourroyent  estre  accomparez  a  ceulx  qui,  apres  avoir  ouy  un  sermon  ou  ils  sont  exhortez  de  s'accoustrer  modestement,  sans  superfluite  ne  pompe,  vouldroyent  bien  que  le  prescheur  leur  taillast  leurs  chausses  et  leur  cousist  leurs  souliers.  Qu'est-il  doncques  de  faire?  Nous  avons  en  tout  ceci  un  but  certain  auquel  il  nous  fault  tendre:  c'est  que  le  zele  de  la  maison  de  Dieu  nous  ronge  le  cueur,  et  que  nous  prenions  sur  nous  les  opprobres  qui  sont  faicts  a  son  nom.  Quand  un  tel  zele  sera  bien  allume  en  nos  cueurs,  et  non  pas  comme  un  feu  d'estouppes,  mais  pour  y  ardre  incessamment,  tant  s'en  fault  qu'il  nous  souffre  faire  semblant  d'approuver  les  abominations  ausquelles  Dieu  est  deshonore,  qu'il  nous  sera  impossible  de  nous  taire  et  dissimuler  en  les  voyant.  Et  notons  bien  qu'il  est  dict:  Le  zele  de  la  maison  de  Dieu,  a  fin  que  nous  scachions  que  cela  se  rapporte  a  l'ordre  exterieur  qui  est  en  l'Eglise,  pour  nous  exercer  en  la  confession  de  nostre  foy.  Il  ne  me  chault  des  [f.  19]  mocqueurs  qui  disent  que  nous  en  parlons  bien  a  nostre  aise:  car  ce  n'est  point  a  moy  qu'ils  s'attachent,  d'autant  qu'il  n'y  a  rien  yci  de  mon  creu,  comme  on  le  voit.  Autant  en  di-ie  de  tous  ces  philosophes,  qui  en  prononcent  leur  sentence  sans  scavoir  comment:  car  puis  qu'ils  ne  veulent  escouter  Dieu,  lequel  parle  a  eulx  pour  les  enseigner,  ie  les  adiourne  devant  son  siege  iudicial,  la  ou  ils  orront  sa  sentence,  contre  laquelle  il  ne  sera  plus  question  de  replicquer.  Puis  qu'ils  ne  daignent  maintenant  l'ouir  comme  maistre,  ils  le  sentiront  alors  leur  iuge  en  despit  de  leurs  dents.  Les  plus  habiles  et  les  plus  rusez  se  trouveront  yci  trompez  en  leur  compte:  qu'ils  soyent  stilez  tant  qu'ils  vouldront  a.  renverser  ou  obscurcir  le  droict,  leurs  chaperons  fourrez  ausquels  ils  se  mirent,  et  en  s'y  mirant  s'aveuglent,  ne  leur  donneront  point  la  cause  gaignee.  Ie  di  ceci,  pource  que  messieurs  les  Conseilliers,  Iuges  et  Advocas,  non  seulement  entreprenent  de  plaider  contre  Dieu,  pour  avoir  privilege  de  se  moquer  de  luy,  mais,  en  reiectant  toute  PEscripture  saincte,  desgorgent  leurs  blasphemes  comme  des  arrests  souverains:  et  tels  marmousets  seront  si  orgueilleux,  qu'apres  qu'ils  auront  dict  le  mot,  ils  ne  pourront  souffrir  que  raison  ni  verite  ait  lieu.  Si  est-ce  qu'en  passant  ie  leur  annonce  qu'il  vauldroit  beaucoup  mieulx  qu'ils  pensassent  quelle  horrible  vengeance  est  apprestee  a  tous  ceulx  qui  convertissent  la  25*