6:390  obtemperet;  hic  corde  indomito,  obstinato  ac  rebelli,  et  Deum  et  eius  iugum  aspernatur.  Illius  obedientia  opus  Dei  est:  hic  non  alium  habet,  cui  pervicaciam  suam  imputet,  nisi  se  ipsum.  Ergo,  qui  nihil  prima  conditione  differebant,  Dei  gratia  et  iudicio  nunc  sunt  discreti.  Vident  lectores,  me  nihil  comminisci,  et  tamen  nullum  amplius  restare  scrupum.  Post,  ut  identidem  solet,  ad  praecepta  relabitur,  [pag.  219]  Verum  quia  providebat,  *)  nos  responsione  non  destitui,  subiungit,  quae  illic  Deus  praecipit,  fideles  semper  fecisse.  Nam  sicut  populum  admonebat  David  (Psal.  95,  8),  ut  praeberet  corda  sua  Domino,  Ezechias  item,  ne  cervicem  suam  obduraret  patrum  suorum  more,  sed  manus  porrigeret:  ita  refert  sacra  historia,  venisse  ex  toto  Israele  quosdam,  et  cor  suum  tradidisse,  ut  servirent  Domino  (2  Chron.  30,  8.  11).  Quis  negat?  Modo  tamen  subintelligi  debere  non  detrectet,  quod  alibi  exprimitur:  quorum  tetigerat  Deus  corda  (J  Sam.  10,  26).  Neque  enim  fieri  negamus  ab  hominibus  haec  et  similia.  Id  autem  solum  est,  quod  inter  nos  controvertitur,  proprione  motu  naturae,  an  spiritus  sancti  ductu  et  gubernatione  ea  faciant.  Tandem,  ut  aliquo  involucro  operiat,  quam  nimis  detexerat  impietatem,  ad  liberi  arbitrii  gratiaeque  coniugationem  revertitur  :  cuius  specimen  una  in  re  exhibere  studet,  ut  de  reliquis  tale  etiam  iudicium  fiat.  Sapientiam  enim  unius  quidem  esse  Dei  donum:  sed  dari  cum  delectu,  non  obtrudi.  Dari  porro  non  nisi  iis,  qui  eam  invocant,  qui  cor  illi  suum  inclinant.  Humilium  enim  esse,  non  superborum.  Quid?  An  non  humilitas  quoque  Dei  donum  est?  Quod  si  neget  Pighius,  quibus  tamen  hanc  persuasionem  machinis  ex  piorum  mentibus,  quibus  penitus  infixa  est,  revellet?  Ergone,  quia  gradatim  confert  Deus  suas  gratias,  ut  una  sit  ad  alteram  praeparatio,  ideo  laudis  suae  parte  privabitur?  quasi  hominem  tantum  suis  beneficiis  subsequatur,  non  autem  etiam  praeveniat.  At  si  quem  Deus  suis  gratiis  dignetur,  nullo  praeparationis  respectu,  in  reliquos  iniurius  erit  et  crudelis,  quos  interea  praeteribit.  Certe  si  Pighii  tribunali  subiiceretur  Deus,  sub  iudice  tam  male  propitio,  facile  causa  caderet.  Testatur  enim,  se  solum  esse,  a  quo  discernimur  (1  Cor.  4,  7):  quum  alioqui  simus  per  omnia  similes.  Quid  igitur  sic  obloquendo  Pighius  agit  aliud,  nisi  quod  lapides  sursum  in  coelum  proiicit,  qui  mox  in  caput  eius  recidant?  [pag.  220]  Ut  ergo  millies  clamet,  spiritui  sancto  et  universae  scripturae  resistere,  qui  nihil  ad  promerendam  Dei  gratiam  facultatis  homini  concedunt,  eiusque  voluntatem  sic  a  iustitia  aversam  esse  docent,  ut  nihil  1)  Beza  emendavit:  praevidebat  25*