47:390  personae  mediatoris  quam  nudae  Christi  divinitati  convenit.  Durum  est,  quod  pater  sapientiam  suam  dilexerit.  Verum  ut  illud  recipiamus,  contextus  alio  nos  ducit.  Non  dubium  est,  quum  optavit  prius  Christus,  ut  coniuncti  secum  essent  apostoli  et  gloriam  regni  sui  viderent,  quin  loquutus  sit  ut  erat  caput  ecclesiae.  Nunc  amorem  patris  causam  esse  dicit:  quare  sequitur  fuisse  dilectum,  quatenus  destinatus  erat  mundo  redemptor.  Hoc  amore  complexus  est  eum  pater  ante  mundum  conditum,  ut  esset  in  quo  amaret  suos  electos.  25.  Pater  iuste.  Mundo  comparat  discipulos  suos,  ut  inde  eorum  commendationem  et  gratiam  apud  patrem  amplificet.  Iure  enim  eximios  esse  oportet,  qui  soli  Deum  cognoscunt,  quem  totus  mundus  reiicit.  Iure  eos  singulari  affectu  commendat  Christus,  quibus  non  obstitit  mundi  incredulitas,  quominus  Deum  agnoscerent.  Patrem  iustum  nominans  mundo  et  eius  malitiae  insultat,  ac  si  diceret,  quantumvis  superbe  mundus  contemnat  Deum  vel  respuat,  nihil  tamen  propterea  illi  decedere,  nec  posse  fieri  quin  illi  integer  maneat  iustitiae  suae  honor.  Quibus  verbis  admonet,  sic  in  Deo  fundatam  esse  debere  piorum  fidem,  ut  ruente  toto  mundo  nunquam  labascat.  Sicuti  hodie  papatus  iniustitiae  nobis  damnandus  est,  ut  suam  asseramus  laudem  Deo.  Caeterum  non  dicit  simpliciter  Christus,  cognitum  fuisse  Deum  a  discipulis,  sed  duos  ponit  gradus:  quod  ipse  cognoverit  patrem,  et  discipuli  cognoverint  quod  ipse  a  patre  missus  esset.  Sed  quia  continuo  post  subiicit,  se  illis  manifestasse,  patris  nomen,  commendat  eos,  sicuti  dixi,  a  Dei  notitia,  quae  a  reliquo  mundo  eos  separat.  Interea  notandus  est  fidei  ordo,  qualis  hic  describitur.  Filius,  qui  prodiit  e  sinu  patris,  solus  eum  proprie  cognoscit.  Ergo  quicunque  accedere  ad  Deum  cupiunt,  necesse  est  ut  Christum  obviam  venientem  recipiant  seque  illi  addicant:  ille  tandem,  postquam  agnitus  fuerit,  ad  Deum  patrem  discipulos  suos  attollet.  26.  Manifestavi  et  manifestabo.  Functus  esr,  quidem  Christus  officio  doctoris,  sed  ad  patrem  manifestandum  arcana  spiritus  revelatione,  non  autem  solo  vocis  sonitu  usus  est.  Intelligit  ergo  se  efficaciter  docuisse  apostolos.  Caeterum,  quia  debilis  adhuc  erat  eorum  fides,  maiores  progressus  in  futurum  tempus  promittit,  atque  ita  eos  ad  sperandam  ampliorem  spiritus  gratiam  praeparat.  Quanquam  autem  de  apostolis  loquitur,  communis  inde  exhortatio  nobis  colligenda  est,  ut  studeamus  assidue  proficere,  nec  putemus  tam  bene  nos  cucurrisse,  quin  multum  viae  adhuc  restet,  quamdiu  sumus  carne  circumdati.  Ut  dilectio,  qua  ete.  Hoc  est,  ut  eos  in  me  diligas,  vel  ut  amor,  quo  me  complexus  es,  ad  eos  usque  se  diffundat.  Nam  dilectio,  qua  nos  prosequitur  Deus,  proprie  loquendo  non  alia  est,  quam  qua  filium  suum  ab  initio  dilexit,  ut  in  eo  nos  quo-  25*